Ben Blushi ka qenë një nga zërat më kritik dhe më të fuqishëm e trondiste qeverinë e Edi Ramës sa herë që kumbonte në parlament. Më pas ai themeloi partinë “Libra”, e cila rroku një rezultat spektakolar në pjesëmarrjen e parë në zgjedhjet parlamentare dhe pse për një fije nuk arriti të nxirrte një deputet. Pas kësaj Ben Blushi u katapultua në media duke hequr dorë nga politika dhe nga partia dhe duke u bërë drejtor i përgjithshëm i Top Channel.
Kjo u interpretua nga kritikët si një lëvizje, që atëherë e sponsorizuar fortë nga Edi Rama edhe pse në kulisa. Megjithatë këto mbeten vetëm zëra dhe thashetheme dhe Blushi iu kthye pasionit të tij për librat dhe fotografinë ndër këto vite, ndërkohë që së fundmi është drejtor i informacionit në Euronews Albania.
Por papritmas ai është shfaqur në një ekspozitë fotografish së fundmi në mjediset e brendshme të kryeministrisë ku propaganda e qeverisë, por edhe Blushi kanë paraqitur foto të tij për qafe me Edi Ramën.
Më shumë se Blushit kjo i intereson vetë Ramës për të dhënë mesazhin që të gjithë armiqtë e tij politik në fund pendohen dhe rikthehen te ai.Ramës i intereson në fushatë të tregojë që të gjithë njerëzit të cilët kanë patur konflikte me të, në fund pendohen dhe rikthehen apo bashkëpunojnë me të. Në këtë mënyrë ai dëshiron të tregojë se të bësh biznes me të është më e dobishme sesa të jesh armik i tij.
