Kantautori Flori Mumajesi prej kohësh tashmë është “zhdukur” nga sfera artistike. Herën e fundit që ai u shfaq në publik, ishte në Instagramin e tij, ku ankohej për ‘atë’ (të dashurën e tij, por pa përmendur identitetin e saj).
Ai ka fshirë këngët e tij nga Youtube, nuk ka realizuar më projekte muzikore si dhe nuk është aktiv në rrjetet sociale pavarësisht se është një prej artistëve më të dashur për publikun shqiptar.
Rrallë poston ndonjë foto apo video, dhe ato janë vetëm për të përçuar mesazhe të nënkuptuara.
Siç, në fakt, ka bërë edhe ditët e fundit përmes një InstaStory. Ai ka publikuar një video të shkurtër të regjisorit të madh anglez, Alfred Joseph Hitchcock, i cili thotë: Asnjëherë mos ia ktheni shpinën një shoku. Natën e mirë. E teksa në video Hitchcock kthen shpinën, shihet me thikën e ngulur në shpinë.
Ky mesazh i Florit s’dihet se për kë është, ai edhe më herët ka thënë se askush s’e vlerëson muzikën e tij, ndërsa kujtojmë se edhe dy miqtë e tij Bruno dhe Klajdi Haruni, sa herë janë pyetur për artistin thonë që ai nuk dëshiron të rikthehet më në muzikë.
