Një sondazh i ri i kryer nga McLaughlin & Associates në bashkëpunim me Top Channel dhe i publikuar në emisionin Top Story me Grida Dumën ka treguar tendencat aktuale të votuesve shqiptarë nëse zgjedhjet parlamentare do të mbaheshin sot.
Sipas të dhënave, Partia Socialiste (PS) do të fitonte me 49.2% të votave, ndërsa Partia Demokratike (PD) do të siguronte 35.7% të mbështetjes.
Ndërkohë, parti të tjera janë:
• Shqipëria Bëhet – 6.8%
• Mundësia – 1.6%
• PSD – 1.2%
• Lëvizja Bashkë – 0.9%
• Koalicioni Euroatlantik – 0.7%
• Nisma Thurje – 0.2%
• Parti të tjera – 0.3%
• Të pavendosur/refuzoj të përgjigjem – 3.4%
Sipas sondazhit, përqindja e pavendosur mbetet e ulët.
Top Channel
CEO i McLaughlin & Associates, John McLaughlin, në një lidhje të drejtpërdrejtë nga SHBA për “Top Story”, komentoi sondazhin për zgjedhjet e 11 majit.
Ai u shpreh se njerëzit votojnë për interesin e tyre, ndërsa shtoi se sipas të anketuarve, mendojnë se drejtimi i qeverisë është i duhur, teksa përmendi negociatat e Shqipërisë në BE.
Nga ky sondazh 50.7% e të anketuarve mendojnë se Shqipëria është në drejtimin e duhur.
“Për sa i përket pyetjes që është bërë për drejtimin e duhur, ndryshon nga ajo që u përgjigjën Amerikë, 2/3 e personave të pyetur thanë se vendi nuk ishte në drejtimin duhur, kjo në SHBA. Ndërsa në Shqipëri, vendi kishte dalë nga Covid, inflacioni, përgjigjja që qeveria po ndjek drejtimin e duhur është në favor të qeverisë.
Unë mendoj se është një pasqyrim kur kam kryer dhe sondazhe të tjera, janë çështjet ekonomike që përcaktojnë çfarë po ndodh, shqiptarët mendojnë se do të bëhen pjesë e BE. Mbase ju keni një optimizëm më të mirë se vendet e tjera. Mund të duket se njerëzit kanë besim te qeveria. Njerëzit votojnë për interesin e tyre, në ndjesinë që ekonomia e tyre do të përmirësohet, mendojnë se drejtimi është i duhuri.
Marshi i gabimit është +,- 3%”, tha ai.
Drejtimi i Shqipërisë:
Drejtim i mirë 50.7 për qind
Drejtimi fort i duhur 10.3 për qind
Disi drejtim i duhur 40.4 për qind
Drejtim i gabuar 47.5 për qind
Disi drejtim i gabuar 24.4 për qind
Drejtimi fort i gabuar 23.1 për qind
Asnjëra / Të dyja 1.5 për qind
Nuk e di/ Refuzoj 0.2 për qind
Top Channel
