I ftuar në një emision televiziv, kryetari i Kuvendit Kombëtar të PD-së Edi Paloka foli në lidhje me kryeministin Edi Rama, ofendimet e tij në fushatë dhe për arsyen pse i mban gratë afër.
Paloka u shpreh se Edi Rama rrihnte nënën e tij dhe babai i tij Kristaq Rama e mbylli në spital, sepse sillej keq në familje.
“Rama është djali i Kristaqit edhe e kemi kryeministër sot e 12 vite dhe nuk habitem me çfarë thotë Rama. Njerëz të mi shumë të afërt të gjakut kanë pasur lidhje me familjen e Ramës në atë kohë. Që në atë kohë diskutohej dhe fillimisht dëgjova për fatkeqsinë e Kristaq Ramës që kishte dy djem njërin të vogël shumë të mirë, por atë tjetrin çyryk. Kam dëgjuar shpesh kur vinte i afërmi im dhe thoshte ai gomari i Kristaqit prap kishte rrahur Netën mbrëmë. Një njeri që përgjërohet për gratë në Tiranë, por kjo historia që ka rrahur të ëmën dihej në të gjithë Tiranën.
Ky u përpoq ta mohoj dhe aty u tundova për herë të parë. Para naj dy muajsh doli dhe tha që më kanë akuzuar për këtë e për atë dhe që kam rrahur nënën time. Jo e ka rrahur, por shkonte me emtoma Neta në spital prej këtij kafshës. Në spital këtë e ka mbyllur Kristaq Rama në atë kohë, pikërisht prej kësaj që bënte në familje. Ky është Rama që përgjërohet sot për gratë. E gjithë arsyeja pse ai i do pranë gratë është, sepse i konsideron më të dobëta jo se i vlerson. Rama gratë i konsideron më të dobëta, qënie që mund t’i trajtoj ashtu siç i ka trajtuar edhe familjarët e tij. Prandaj i mban afër të largohen sa më shumë burrat.” – tha Paloka.
