KRETË– Mëngjesin e kësaj të mërkure një tërmet me magnitudë 6.1 ballë të shkallës Rihter ka goditur ishullin e Kretës. Lajmi është bërë i ditur nga Instituti Gjeodinamik i Observatorit Kombëtar të Athinës, pa raportime për të lënduar ose dëme serioze.
Tërmeti ndodhi në një thellësi prej 64.4 km, rreth 19 km në jug të ishullit Kasos.
Shërbimet e emergjencës së Greqisë lëshuan një paralajmërim paraprak për cunami nëpërmjet sistemit të alarmit 112, duke i këshilluar banorët të largohen nga zonat bregdetare.
Lëkundjet u ndjenë deri në Izrael, Turqinë jugperëndimore dhe pjesë të Egjiptit. Greqia shtrihet në disa vija sizmike dhe përjeton tërmete të shpeshta./Radar.al
