Shqiptari që u ekzekutua ditën e sotme në zonën bregdetare të Rafinës, në Athinë, është identifikuar si Altin Arapaj, 41 vjeç, një emër i njohur për autoritetet greke, pasi kishte precedentë penalë, përfshirë edhe për trafik droge.
Ai u qëllua me armë zjarri në një vresht, ku plumbi e goditi drejtpërdrejt në faqe, duke i shkaktuar vdekjen. Sipas burimeve të mediave greke, pak çaste para se të ndërronte jetë, Arapaj ka arritur të telefonojë gruan e tij, të cilës dyshohet se i ka treguar emrin e autorit, duke thënë: “Më ka qëlluar një mik.”
Autoritetet greke kanë nisur menjëherë hetimet, duke rrethuar zonën e ngjarjes dhe duke analizuar të gjitha pistat, përfshirë edhe prapavijat e mundshme të lidhura me aktivitetin kriminal të viktimës.
Burime pranë hetimit thonë se gruaja e viktimës mund të jetë çelësi për identifikimin e autorit, pasi dyshohet se ajo e njeh personin që qëlloi bashkëshortin e saj.
Një krim i rëndë ka tronditur komunitetin shqiptar në Greqi. Një shtetas shqiptar është ekzekutuar me armë zjarri në zonën e Artemidës, në rrethana ende të paqarta. Mediat greke raportojnë se viktima, para se të humbte jetën, kishte arritur të telefononte gruan e tij dhe t’i thoshte fjalët tronditëse: “Më ka qëlluar miku im.”
Pas telefonatës, gruaja e tij, një 36-vjeçare, nisi kërkimin përmes aplikacionit Find My iPhone, duke ndjekur vendndodhjen e celularit të bashkëshortit. E shoqëruar nga një patrullë e njësisë DIAS të Policisë Helenike, ajo arriti në zonën ku ndodhej sinjali – kryqëzimi i rrugëve Arionos dhe Anemoessas në Artemidë – ku u gjet telefoni i viktimës i mbuluar me gjak, por pa praninë e tij fizike.
Vetëm pak minuta më vonë, trupit të viktimës iu ra në gjurmë, duke konfirmuar fatkeqësisht dyshimet më të këqija.
Autoritetet greke kanë nisur menjëherë hetimet për zbardhjen e plotë të rrethanave të vrasjes, ndërsa identiteti i autorit të dyshuar dhe motivi mbeten ende objekt hetimi.
Një ngjarje tragjike që ka lënë të tronditur jo vetëm familjarët, por edhe komunitetin më të gjerë shqiptar në Greqi.
