Në një bisedë të sinqertë në studion e Rudina Magjistarit, balerina dhe koreografja e njohur Enada Hoxha ndalet në një prej temave më të thella: rëndësinë e punës dhe mbështetjen emocionale në momente të vështira.
E pyetur nga Rudina se sa e rëndësishme ka qenë puna për të në këtë periudhë, Enada shpreh me mirënjohje se angazhimi profesional ka qenë një burim force dhe stabiliteti.
Biseda:
Rudina Magjistari: Sa e rëndësishme ka qenë puna për ty gjatë kësaj periudhe?
Enada Hoxha: Shumë e rëndësishme dhe falë punës, çdo gjë po kalon më së miri. Jo vetëm unë mendoj, por mendoj që është një fakt që në këtë botë vijmë vetëm dhe largohemi vetëm. Duhet të jemi shumë falënderues dhe mirënjohës Zotit që na rrethon me njerëz që na duan fort, që na mbështesin dhe unë kam në krah njerëz të jashtëzakonshëm, duke filluar nga njerëzit me të cilët jetoj, familjarët e mi, njerëz që pafund më shprehin dashuri çdo ditë, e kam zemrën plot.
