Thashethemet e muajve të fundit duket se po marrin gjithnjë e më shumë formën e një të vërtete publike: Sara Hoxha dhe Erik Fullani nuk po e fshehin më raportin e tyre të afërt. Pas shumë aludimesh dhe “daljesh rastësore” në kryeqytet, dyshja është kapur sërish “mat” në jug të Shqipërisë, duke kaluar momente romantike në një nga resortet buzë Jonit.
Në pamjet e publikuara nga “Revista Class”, Sara dhe Erik duken të qetë, të buzëqeshur dhe shumë pranë njëri-tjetrit. Ajo me një veshje të bardhë verore, ai me një look sportiv, ndërsa shijojnë rërën e bardhë dhe ujin e kristaltë. Më shumë se fjalët, janë gjestet dhe shikimet e afërta që “flasin” për një lidhje që nuk fshihet më.
Ky pushim romantik vjen vetëm pak javë pas disa daljeve të bujshme të çiftit në Tiranë, përfshirë praninë në evente mode dhe kokteje private, ku të dy janë parë gjithmonë pranë njëri-tjetrit. Ndonëse asnjëri prej tyre nuk ka bërë një koment publik, rrjetet sociale e kanë marrë tashmë vendimin e vet: Sara dhe Erik janë çifti më i komentuar i kësaj vere.
Nga “friend zone” në romancë të hapur?
Sara, producentja dhe influencuesja e njohur, prej vitesh ka qenë një figurë e dashur për publikun, jo vetëm për projektet e saj kreative, por edhe për mënyrën autentike si ndan jetën e saj në rrjetet sociale. Pas ndarjes nga Ledion Liço dhe një periudhe të gjatë heshtjeje për jetën private, ajo duket se ka gjetur sërish ekuilibrin.
Erik Fullani, djali i ish-Guvernatorit të Bankës së Shqipërisë, një figurë diskrete dhe gjithmonë i përfolur për jetën e tij luksoze, ka qëndruar larg medias, por këtë herë duket se nuk ka më hapësirë për spekulime. Dyshja është fotografuar gjithashtu duke shijuar darka të qeta në jug, dhe sipas burimeve pranë tyre, kanë qëndruar për disa ditë në një vilë private në Dhërmi, të shoqëruar nga miq të përbashkët.
Çfarë pritet më tej?
Megjithëse nuk ka ende një “zyrtarizim” të lidhjes së tyre në rrjete sociale apo në intervista, fansat e kanë kuptuar tashmë që Sara dhe Erik janë shumë më tepër se miq. Këto pamje vijnë si konfirmimi i parë vizual i një romancë që përflitej prej kohësh dhe që po merr gjithnjë e më shumë vëmendje.
Për momentin, duket se dyshja po e shijon verën me qetësi, larg zhurmës së kryeqytetit, ndoshta duke u përgatitur për një “debutim” më të qartë të lidhjes së tyre, në stilin e zakonshëm të Sarës – me klas, finesë dhe buzëqeshje.
A do të kemi së shpejti një story në Instagram që e bën gjithçka zyrtare? Apo ndoshta një dalje publike në ndonjë event të madh në Tiranë? Mbetet për t’u parë, por një gjë është e sigurt: Sara dhe Erik janë çifti që gjithë Shqipëria po i ndjek me sy.
