Një moment i sikletshëm është regjistruar mbrëmjen e djeshme në emisionin “Goca dhe Gra” në Top Channel, ku poetja e njohur Mimoza Ahmeti refuzoi të firmoste një autograf për aktoren Egla Ceno, gjatë një interviste live.
Gjithçka ndodhi kur Ceno i kërkoi poetes një dedikim në njërin prej librave që ajo kishte sjellë me vete. Por Ahmeti e refuzoi prerazi, duke sqaruar se ato kopje ishin për përdorim personal dhe se nuk i dhuron librat e saj, përveç rasteve të veçanta.
Pjesë nga dialogu në studio:
Egla: A mund të më vendosësh një autograf?
Mimoza: Më fal, ky është libri që solla unë?
Egla: Kam përshtypjen po.
Mimoza: Këto i kam për punë.
Egla: A mund t’i blejmë këto?
Mimoza: Jo, e kam për punë.
Kleoniki: A kanë ndryshim këto libra me të tjerë që keni?
Mimoza: Kam udhëtime për të bërë. Do shkoj në Gjermani, nuk do të blej libra. Nuk i dhuroj njeriu libra. Duhet të ketë bërë të pamundurën për mua që t’i dhuroj libra.
Pas emisionit, Egla Ceno reagoi përmes një letre publike në rrjetet sociale, ku u shpreh e zhgënjyer nga qëndrimi i poetes, të cilin e quajti përbuzës dhe të ngarkuar me narçizëm. Aktorja nënvizoi se ishte një gjest njerëzor, që nuk meritonte atë lloj refuzimi publik.
“Nëse një lexues nuk e meriton një dedikim, pse ta marrë librin?”, shkruan Ceno, ndërsa ironizon “stilin përbuzës” të Ahmetit dhe e përshkruan episodin si një “simfoni hipokrizie” që i shkon për shtat një artisti të ndarë nga ndjeshmëria njerëzore.
Letra e saj është shpërndarë gjerësisht, duke ngjallur reagime të shumta nga publiku. Shumë ndjekës shprehën përkrahje për aktoren, duke vlerësuar tonin e saj të qetë e të edukuar, ndërkohë që u shprehën kritikë ndaj qëndrimit të poetes.
Letra e Egla Cenos:
