Një tjetër ngjarje e rëndë është shënuar pasditen e sotme në fshatin Hotesh, të Dibrës.
Policia njofton se një person ka humbur kontrollin e automjetit dhe ka aksidentuar për vdekje bashkëshorten e tij.
Aksidenti ka ndodhur në oborrin e banesës së tij teksa bashkëshorti po kthente automjetin, i cili është batuar dhe ka rënë jashtë oborrit duke aksidentuar për vdekje bashkëshorten.
“Rreth orës 15:50, në fshatin Hotesh, shtetasi H.Ç., dyshohet se duke kthyer automjetin në oborrin e banesës së tij, ka humbur kontrollin dhe automjeti është batuar dhe ka rënë jashtë oborrit, ku aksidentalisht ka aksidentuar bashkëshorten e tij shtetasen A.Ç. Si pasojë e dëmtimeve të marra, kjo shtetase ka humbur jetën. Grupi hetimor po punon për zbardhjen dhe sqarimin e rrethanave të ngjarjes”, njofton Policia.
Pak më herët një tjetër aksident tragjik ndodhi në Krujë ku babai përplasi aksidentalisht për vdekje të bijën e tij 4 vjeçe.
Katër viktima dhe shtatë të plagosur. Ky është bilanci tragjik i aksidenteve rrugore në këtë të mërkurë të ‘zezë’ që ka hapur katër dyer morti në vendin tonë. Newsbomb.al ka bërë një përmbledhje të detajuar të këtyre ngjarjeve rrugore të cilat janë shënuar brenda pak orëve.
Burhan Gjoka dhe Destan Gjeta janë dy viktimat e aksidentit që rezultoi fatal në Qafën e Buallit ndërsa i plagosur mbeti dhe një person tjetër me inicialet A.Gj. Personat në fjalë po ktheheshin nga miniera, por tragjedia ndodhi.
Në Luzni të Dibrës, Arta Çera u përplas me makinë për vdekje nga bashkëshorti i saj në oborrin e shtëpisë. Ngjarja ishte aksidentale ndërsa Hajri Çera ka përfunduar në dyert e komisariatit.
Një tjetër ngjarje tragjike ndodhi në Qerekë të Krujës ku një vajzë e vogël 4-vjeçare u përplas për vdekje nga babai i saj, i cili nga pakujdesia shtypi të miturën në ambientet e një biznesi.
Jo vetëm kaq. Një çift bashkëshortësh u plagosën në Korçë pasi automjeti me të cilin udhëtonin u përmbys në rrugë.
Ndërsa dy të tjera kanë mbetur të plagosur pranë stadiumit në qytetin e Elbasanit. Policia Rrugore ka dhënë informacione për aksidentet në fjalë duke bërë me dije se grupet hetimore po punojnë për zbardhjen e tyre./Newsbomb.al/
