Një incident i pazakontë dhe shqetësues ka tronditur fshatin Krutje të Lushnjes më datë 20 shkurt 2025, ku sipas një denoncimi të bërë publik nga qytetarë të zonës, një grua është filmua nga kamerat e sigurisë teksa hedh një grusht dheu të marrë nga një vendvarrim i freskët. Dyshohet se veprimi i saj është kryer për qëllime magjike, një praktikë që, ndonëse pa baza shkencore, vazhdon të krijojë frikë dhe pasiguri në shumë komunitete shqiptare.
Sipas denoncuesit, i cili është një banor i zonës dhe ka vendosur kamera përreth shtëpisë së tij për arsye sigurie, gruaja e përfshirë në ngjarje është nusja e xhaxhait të tij. Ai pohon se ka dyshuar prej kohësh për veprime të çuditshme në ambientin përreth dhe për këtë arsye kishte vendosur të monitoronte zonën përmes kamerave.
“Përshëndetje JOQ. Kam video nga kamerat që kam vendosur në shtëpinë time, pikërisht për këto raste. Shihet qartë që nusja e xhaxhait ka marrë ‘dheun’ nga një vdekje që ndodhi sot në fshat, për të bërë magji. E ka në dorë dheun. Ju lutem publikojeni, ngjarja ka ndodhur në fshatin Krutje të Lushnjes, 20.02.2025. Po ta zmadhosh videon, duket që pjesa e dheut pranë shtëpisë ishte e pastër, por pasi ajo ka ardhur, ka marrë dërrasën dhe poshtë saj duket si një kapul i zi.”
Pamjet, të cilat janë siguruar dhe shpërndarë edhe në rrjete sociale, tregojnë momentin kur gruaja ndalet pranë një sipërfaqeje të caktuar, mban diçka në dorë dhe e hedh në tokë me një lëvizje të shpejtë. Sipas denoncuesit, bëhet fjalë për dhe të marrë nga një varr, një veprim që në shumë zona të Shqipërisë lidhet me praktikat e ashtuquajtura të “magjisë së zezë”, me synim ndikimin negativ në jetën apo shëndetin e dikujt.
Frikë dhe panik në komunitet
Ngjarja ka ngritur panik dhe tension në fshat, sidomos mes banorëve që janë dëshmitarë të përhapjes së praktikave të tilla, të cilat ndonëse të vjetra dhe të mbështetura në besime popullore, shpesh çojnë në përçarje mes familjeve dhe komunitetit.
Shumë banorë i konsiderojnë këto veprime si veprime të rënda morale dhe të dëmshme, ndërsa të tjerë i shohin si pjesë të besëtytnive pa ndikim real, që përdoren si mjet frike apo manipulimi emocional.
“Nuk jemi më në Mesjetë, por këto gjëra vazhdojnë të ndodhin. Për mua kjo është një formë presioni dhe manipulimi. Duhet ndërhyrje ligjore,” – tha një banore e zonës për një media lokale.
