Eshtë ndarë në mënyrë të parakohshme nga jeta, në moshën 57-vjeçare mësuesja Leticja Mujo.
Arsimtarja që prej vitesh mësonte breza të tërë nxënësish në një nga shkollat jo publike të qytetit ka humbur jetën si pasojë e një sëmundjeje të rëndë.
Në një postim në rrjete sociale, shkolla “Vinçens Prendushi” shpreh dhimbjen për këtë humbje të pazëvendësueshme.
“Ajo ishte shembull frymëzimi, jo vetëm si mësuese që ndezi dritën e dijes te breza të tërë nxënësish, por edhe si mike e pazëvendësueshme, që dinte të të ngrohte shpirtin me fjalën e mirë dhe buzëqeshjen e saj. Përjetësisht mirënjohës për gjithçka që dhuroi, e përcjellim me dhimbje, por edhe me krenari që patëm fatin t’a kishim pranë”, shkruhet ndër të tjera në postim.
