Teksa Partia Socialiste po ‘zien’ në pritje të Asamblesë më 11 Shtator, reperi Noizy mesa duket i ka “shkelur syrin” Kryeministrit Edi Rama duke thënë se është i gatshëm të jetë ministër. Reperi i njohur Rigels Rajku, së fundmi ka dhënë një intervistë për Euronews Albania ku ka folur për karrierën dhe jetën personale, përfshirë këtu dhe angazhimin e tij në politikë.
Nëse kryeministri Rama do ta ftonte Noizyn për tu bërë pjesë e kabinetit qeveritar, reperi është përgjigur “PO”, pa hezituar aspak.
Noizy shton se edhe pse ai nuk di të flasë si një politikan, ai tregon se është një njeri i fjalës dhe se të ardhurat e tij nuk janë produkt i një pune ilegale.
Gazetarja: Po ti vetë? Nëse Rama do të të thërriste dhe të thoshte: “Hej, do të bëhesh Ministër i Kulturës apo Zëvendësministër i Rinisë?” do ta pranoje?
Noizy: Unë 100% do ta bëja. Po! Dëgjo, do të të them një gjë për mua. Mund të mos jem në gjendje të flas si politikan. Nuk ka rëndësi. Por jam njeri fjale. Nuk më duhen para. E di me siguri që paratë nuk më bëjnë të lumtur. Paratë s’janë asgjë.
Kam shkuar deri këtu vetëm duke shtyrë kufijtë e mi për të shënuar kutitë, për t’i treguar njerëzve: dëgjo, mund të bëhesh shumë i pasur, ose, si të duash ta quash, edhe në Shqipëri, edhe pa u marrë me drogë. Për këtë arsye kam shkuar kaq larg. Përndryshe, nuk do ta kisha bërë. Kam mjaftueshëm para për të jetuar, sepse askush nuk vuan për bukë në Shqipëri.
Dhe e kam vënë re këtë; sa më shumë para të bësh, aq më të mëdha i ndërton kështjellat, por gjithmonë do të duash të dalësh jashtë e të flesh nën qiell të hapur. Dhe mendoj, dreqi ta hajë, pse njerëzit janë kështu?” Do të jetojnë në… pra, ndërtuan këtë vilë të madhe, dhe çfarë i bën të lumtur është të flenë jashtë, në natyrë.
Dhe unë them, wow, kjo është natyra e jetës njerëzore. Nuk ka të bëjë me luksin. Ka të bëjë me atë se ku gjen paqe.
Kështu që, nëse ndonjëherë do isha politikan, si Ministër i Kulturës, siç the, ose çfarëdo tjetër, jam njeri fjale. Nuk flas bukur, por do mbaj premtimet.
Kujtojmë që Noizy ka qenë gjithashtu në qendër të fushatës elektorale për zgjedhjet parlamentare të 11 Majit duke shoqëruar kudo Kryeministrin Edi Rama. Reperi ishte edhe autor i këngës së fushatës, që u këndua nga veriu në jug të vendit.
Ndërkohë më 11 shtator, kryeministri Edi Rama do të prezantojë në Asamblenë e PS emrat e rinj të skuadrës “Rama 4”, ndërsa disa ditë më parë u shpreh se pjesë e ministrave do të jenë edhe emra surprizë.
