Gazetari Artan Hoxha e përshkroi sot ngjarjen e vrasjes së gjyqtarit në Gjykatën e Apelit si një moment pa precedent në 113 vjet historinë e shtetit shqiptar, dhe e lidh ngjarjen drejtpërdrejt me dështimin e institucioneve. Hoxha thekson se ekzekutimi i një gjyqtari “në sallën e gjyqit” thyente çdo rekord kombëtar dhe rrëzoi “aureolën mbrojtëse” që mban shtetin në këmbë, duke e bërë ngjarjen më shumë se një krim të izoluar.
Në reagimin e tij, Hoxha kritikon ashpër mënyrën se si qeveria dhe institucioni i drejtësisë kanë menaxhuar sigurinë dhe komunikimin publik. Ai vë në dukje reagimin e kryeministrit, i cili sipas tij u shfaq duke kërkuar ashpërsim ligji për armët pa leje dhe duke fajësuar sistemin e drejtësisë për tolerancë ndaj bartësve të paligjshëm të armëve; për Hoxhën kjo është reagim i papërshtatshëm dhe i pamjaftueshëm. Gazetari akuzon gjithashtu se dështimet në menaxhimin e sigurisë dhe të reformës në drejtësi, për të cilën kryeministri shpërfaqet si ideator, kanë krijuar një klimë ku krimi sulmon vetë themelet e shtetit.
Hoxha përfundon me një thirrje të fortë për përgjegjësi institucionale dhe një reflektim të thellë publik; ai i kujton qeverisë veprimet e saj të kaluar, përfshirë përdorimin e forcave xheniere në raste shpërthimesh dhe pretendimet për “leje” në përdorimin e dhunës, dhe pyet retorikisht se kur do të përgjigjen për pasojat. Reagimi i tij kthehet në akuzë politike dhe moral nga tabloja e mediave, dhe ngre si prioritet rikthimin e besimit publik përmes hetimeve të plota dhe ndryshimeve në menaxhimin e sigurisë së institucioneve të drejtësisë.
Postimi i plotë
Gjykata e Apelit, u kthye sot në skenë krimi, si asnjë herë tjetër në historinë 113 vjeçare të Shtetit Shqiptar. Vrasja e një gjyqtari në sallën e gjyqit, sapo ai kishte lexuar vendimin e formës së prerë, theu çdo rekord kombëtar në sistemin e drejtësisë. Kishin përjetuar pafundësisht ngjarje kriminale, por jo deri te ekzekutimi i gjyqtarit në sallën e gjyqit….
Aureola mbrojtëse, që mban shtetin më këmbë, sot në mesditë u rrafshua përtokë. Sikur të mos mjaftonte gjëma që pllakosi drejtësinë dhe shoqërinë shqiptare, kryeministri i vendit u shfaq me “mprehtësinë” e Diellës, duke kërkuar ashpërsimin e ligjit për mbajtjen e armëve pa leje, madje duke fajësuar vetë sistemin e drejtësisë, se ishte treguar tolerant ndaj armëmbajtësve pa leje!!!!!!!! O babai kombit, zbrit nga lartësia sipërqiellore e tribunës vip të “Santiago Bernabeut”, se nuk mbulohet dielli me shoshë. Kjo që ndodhi sot në shtetin, që ti e ke nën thundër prej 12 vitesh, nuk është thjeshtë punë armësh pa leje. Është dështimi i një shteti të tërë, po sidomos dështimi i asaj reformës në drejtësi, që ti rreh gjoksin çdo ditë si ideuesi dhe zbatuesi i saj.
Më ironik është fakti, se “babai” dhe promovuesi më i madh i shpërthimit shtetëror me tritol “me leje”, nga veriu në jug kundër banesave dhe bizneseve të qytetarëve të tij, del e bërtet se ia kanë fajin ata mavrinjtë, me armë pa leje!!!! Gjatë javës së kaluar, të vetmet skuadra xheniere mina-shpërthyese në Republikën e Shqipërisë, të cilat punuan me efektshmëri të lartë, ishin xhenierët e qeverisë që hedhen në erë banesat e banorëve të Thethit dhe xhenieret mina-shpërthyes të çunave të Dubait, të cilët hodhën në erë, me shpërthim të telekomanduar, 58 vjeçarin Isuf Jacaj nga Saranda. Kot me të pyet? Si e ke gjëndjen e tritolit këto, kohë?! Kujt ke me ja shtri kabllin javës që vjen dhe kur do e shpërndash nga adresa jote në rrjete sociale, video-rregjistrimin e shpërthimit të radhës me tritol?!
