Në promon e episodit të radhës të emisionit “S’e luan topi”, Xheneta Fetahu është dëgjuar të flasë me shumë ndjeshmëri për ish-partnerin e saj, Gjestin, pas humbjes së vëllait të tij, Eldion Kelmendi, i cili ndërroi jetë si pasojë e një aksidenti rrugor.
“Të të them unë ty që zemra ime është në copa të thyera, nuk do ta besosh… Ai Gjesti harmonik, ai Gjesti me gjithë atë energji pozitive, që më jepte mua dashuri, ta shihje në atë gjendje më dhembi shumë zemra,” – shprehet ajo me lot në sy në fragmentin e publikuar.
Xheneta ishte e pranishme edhe në varrimin e Eldionit, duke treguar mbështetje për Gjestin në një moment të vështirë.
Pas ngjarjes, ajo bëri apel publik që njerëzit të mos shpërndajnë pamje nga ceremonia, duke kërkuar respekt dhe mëshirë për dhimbjen e familjes.
Menaxheri i artistit pejan Gjest, Bonart Ajvazi, ka ndarë një tjetër moment suksesi për muzikantin që u bë i dashur për publikun shqiptar. Në rrjetet sociale, ai ka njoftuar se kënga “Veshu ndrequ” ka kapërcyer shifrën e 20 milionë klikimeve, duke u kthyer në një nga projektet më të suksesshme të karrierës së Gjestit dhe në një ndër hitet më të dëgjuara shqiptare të vitit.
Ky arritje vjen në një periudhë të ndërlikuar për artistin. Gjest, i cili fitoi famë dhe simpatinë e publikut pas pjesëmarrjes në Big Brother VIP Kosova dhe më pas në Big Brother VIP Albania, po përballet me një tragjedi të madhe familjare. Më shumë se tre javë më parë, ai humbi vëllain e tij të vogël, Eldionin, në një aksident të rëndë rrugor, ngjarje që tronditi opinionin publik dhe la një boshllëk të madh në familjen Ajvazi.
Burime pranë familjes bëjnë të ditur se Gjest dhe të afërmit e tij ende po përpiqen të përballojnë dhimbjen e kësaj humbjeje të parakohshme, ndërsa artisti është larguar përkohësisht nga angazhimet muzikore për t’u përqendruar tek familja dhe rikuperimi emocional.
Pavarësisht kësaj periudhe të vështirë, mbështetja e fansave ka qenë e jashtëzakonshme. Komentet në rrjetet sociale janë mbushur me mesazhe ngushëllimi dhe dashurie, duke i dhënë Gjestit forcë morale për të kaluar këtë periudhë. Ndërkohë, menaxheri i tij, Bonart Ajvazi, ka theksuar se suksesi i “Veshu ndrequ” është një dëshmi e lidhjes së fortë që artisti ka me publikun e tij, dhe një motiv për t’u rikthyer më i fuqishëm në skenë në të ardhmen.
