Një avion mallrash i kompanisë UPS është rrëzuar menjëherë pas ngritjes nga Aeroporti Ndërkombëtar i Louisville, në shtetin e Kentucky, SHBA.
Sipas policisë lokale, në vendngjarje janë raportuar persona të plagosur, ndërsa janë vënë re flakë dhe mbetje nga avioni.
Aeroporti ka njoftuar në platformën X se fusha ajrore është mbyllur përkohësisht, ndërsa në rrjetet sociale po qarkullojnë video që tregojnë re të dendura tymi që ngrihen nga zona e aeroportit.
Administrata Federale e Aviacionit të SHBA-ve (FAA) ka konfirmuar se bëhet fjalë për fluturimin UPS 2976, i cili u rrëzua rreth orës 17:15 me orën lokale (22:15 GMT), pak pasi ishte ngritur me destinacion Honolulu, Hawaii.
Sipas të dhënave të FAA, avioni i rrëzuar ishte një McDonnell Douglas MD-11, që po udhëtonte nga Aeroporti Ndërkombëtar “Muhammad Ali” i Louisville drejt Aeroportit Ndërkombëtar “Daniel K. Inouye” në Honolulu.
Hetimet për shkaqet e aksidentit po udhëhiqen nga FAA dhe Bordi Kombëtar i Sigurisë së Transportit (NTSB).
20251104 LOUISVILLE KY
UPS Plane Crash Near Lousivlle Airport pic.twitter.com/EuVbKkU5co— Robert Waloven (@comlabman) November 4, 2025
