Një incident i rëndë ka ndodhur në Kosovë, ku reperi i njohur Don Xhoni, së bashku me vëllain e tij dhe disa shokë, kanë sulmuar producentin Shkumbin Nebihu, i njohur ndryshe si Bini Diez.
Sipas Paparacit, në incident është përdor edhe arma, ku grupi i reperit ka goditur Nebihun dhe i ka thyer veturën.
Deri më tani ende nuk dihen rrethanat e sakta që kanë çuar deri te konflikti.
Paparaci është në pritje të një përgjigjeje zyrtare nga Policia e Kosovës.
Producenti i njohur Shkumbin Nebihu, i njohur si Bini Diez, është deklaruar pas një incidenti të rëndë që ndodhi pasditen e sotme në Veternik.
Ai e ka konfirmuar se është sulmuar nga reperi Don Xhon, derisa ishte me familjen e tij.
“Është bërë sulm ndaj meje padrejtësisht. M’u ka thyer vetura nga Don Xhoni. Nuk kam absolutisht asgjë me atë person. Kam dalë me familje, u përdor armë, me revole më kanë dalë. Nuk jam lënduar, jam larguar me makinë. Në polici jam”, ka deklaruar Bini Diez për Paparacin.
Deri më tani nuk dihen rrethanat e sakta që çuan në konflikt, ndërsa policia ende nuk ka dhënë një konfirmim zyrtar.
