Një fotografi e rrallë nga arkivi ka rikthyer vëmendjen te një nga ikonat më të mëdha të muzikës shqiptare, Parashqevi Simaku. Imazhi e shfaq artisten në një moment të veçantë të jetës së saj private, larg dritave të skenës që e bënë të famshme.
Në foto, Parashqevi shfaqet si nuse, e veshur me një fustan të bardhë klasik me dantellë dhe vello, duke rrezatuar elegancë dhe hijeshi natyrale.
Kjo pamje i përket kapitullit të saj të jetës në Shtetet e Bashkuara, ku pas largimit nga Shqipëria, këngëtarja u martua me shtetasin amerikan Robert McClure.
Larg zhurmës mediatike, ajo zgjodhi t’i përkushtohej familjes dhe rritjes së djalit të tyre, Luke, i cili ka qenë edhe arsyeja kryesore pse ikona e muzikës zgjodhi të tërhiqej në privatësi të plotë.
Ky imazh nostalgjik na kujton edhe një herë gruan dhe nënën që qëndron pas zërit legjendar.
