Një shtëpi bari është zbuluar këtë të enjte pas një operacioni të policisë së Elbasanit.
Bëhet me dije se ambienti ku zhvillohej kjo veprimtari e jashtëligjshme dyshohet se është në pronësi të drejtorit të burgut të Rrogozhinës, Bilal Hasa i cili po ashtu është shpallur në kërkim.
Raportohet se janë gjetur mbi 3000 rrënjë kanabisi në ambientin e përshtatur për kultivimin e bimëve narkotike.
Ende nuk ka një reagim në lidhje me këtë aksion nga Policia e Shtetit, e cila pritet që të japë detaje në lidhje me zbulimin e kësaj shtëpie bari.
Po ashtu mediat raportojnë se pas zbulimit të lëndës narkotike dhe shpalljes në kërkim nga policia, Hasa është pezulluar nga detyra.
Drejtori i Burgut të Rrogozhinës Bilal Hasa, më parë ka mbajtur pozicionin e kryetarit të njësisë administrative Gjocaj në Peqin.
Emri i tij u bë i famshëm në vitin 2020, ku u dhunua nga disa persona, pranë selisë së PS-së në Peqin, pasi kundërshtoi zgjedhjet për kreun e degës lokale.
Peqin/Finalizohet operacioni policor i koduar “Kurtaj” për goditjen e kultivimit të bimëve narkotike në ambiente të mbyllura me anë të llambave.
Operacioni u zhvillua nga Drejtoria për Krimet në Volum në Drejtorinë e Përgjithshme të Policisë së Shtetit, në bashkëpunim me DVP Elbasan dhe Komisariatin e Policisë Peqin, nën drejtimin e Prokurorisë Elbasan.
Zbulohen 2 ambiente të përshtatura për kultivimin e bimëve narkotike.
Sekuestrohen rreth 4000 bimë kanabisi, llamba, neonë dhe pajisje të tjera elektrike.
Shpallet në kërkim pronari i ambientit.
Në kërkim edhe përgjegjësi i OSHEE-së për Peqinin, për shpërdorim detyre.
Në vijim të planit të masave për evidentimin dhe goditjen e kultivimit të bimëve narkotike në ambiente të mbyllura, bazuar edhe në informacionet e siguruara në rrugë operative, shërbimet e Policisë në kuadër të operacionit policor të koduar “Kurtaj”, ushtruan kontroll në fshatin Kurtaj, njësia administrative Gjocaj.
Gjatë kontrollit, në bodrumin e një magazine, u konstatuan 2 ambiente të përshtatura për kultivimin e bimëve narkotike me anë të llambave, ku ishin kultivuar rreth 4000 bimë kanabis.
Nga veprimet hetimore rezultoi se ambienti është në pronësi të shtetasit B. H., i cili u shpall në kërkim.
Në vijim të veprimeve, për veprën penale “Shpërdorimi i detyrës”, u shpall në kërkim edhe shtetasi E. M., me detyrë përgjegjës i OSHEE-së për zonën e Peqinit.
Shërbimet e Policisë vijojnë punën për kapjen e tyre.
Operacioni, nën drejtimin e Prokurorisë Elbasan, vijon, ndërsa po punohet intensivisht për identifikimin dhe nxjerrjen përpara përgjegjësisë penale të personave të tjerë të përfshirë në këtë veprimtari kriminale.
Top Channel
Comments are closed.