Ka përfunduar mbledhja e kryeministrit Rama me drejtuesit politikë të Partisë Socialiste dhe ministrat e kabinetit qeveritar.
Takimi, i cili zgjati më shumë se një orë, u përqendrua kryesisht te çështja e protestave, të cilat kryeministri i ka cilësuar si pjesë e një “lufte digjitale”.
Gjatë mbledhjes, Rama u ka kërkuar deputetëve të jenë më pranë qytetarëve dhe të njihen nga afër me problematikat reale të tyre, veçanërisht ato që lidhen me infrastrukturën dhe shërbimet publike.
Kreu i qeverisë ka theksuar gjithashtu rëndësinë e funksionimit të zyrave të deputetëve, duke kërkuar që ato të jenë gjithmonë të hapura për qytetarët, në mënyrë që këta të fundit të kenë mundësi të paraqesin shqetësimet dhe kërkesat e tyre.
Një tjetër porosi e dhënë gjatë takimit ka qenë intensifikimi i kontakteve me qytetarët në terren. Rama ka kërkuar nga të gjitha strukturat e Partisë Socialiste që të shtojnë takimet dhe angazhimin në komunitete, me qëllim evidentimin dhe adresimin e problematikave të përditshme të qytetarëve.
Ka përfunduar pas më shumë se një ore mbledhja e zhvilluar në selinë rozë mes kryeministrit Edi Rama, drejtuesve politikë të qarqeve dhe ministrave të kabinetit qeveritar. Takimi i cili u zhvillua me dyer të mbyllura, u përqendrua kryesisht te situata politike në vend, protestat e fundit dhe angazhimi i strukturave të Partisë Socialiste në terren.
Sipas burimeve, gjatë diskutimeve kryeministri Rama e ka vendosur theksin te çështja e protestave, duke i cilësuar ato si pjesë të një “lufte digjitale”, ndërsa ka kërkuar nga drejtuesit politikë dhe deputetët që të jenë më pranë qytetarëve dhe problematikave të tyre të përditshme.
Një pjesë e rëndësishme e mbledhjes i është kushtuar komunikimit me qytetarët dhe identifikimit të shqetësimeve reale në komunitete. Rama ka kërkuar që deputetët të njihen nga afër me problematikat që lidhen me infrastrukturën, shërbimet publike dhe çështje të tjera që prekin jetën e përditshme të qytetarëve.
Mbi një orë diskutime me dyer të mbyllura, Rama lë porosi
Momenti kur Rama u pershendet me Ballen
Po ashtu, kreu i qeverisë ka ritheksuar se zyrat e deputetëve duhet të jenë gjithmonë të hapura dhe funksionale, në mënyrë që qytetarët të kenë mundësi të paraqesin shqetësimet dhe kërkesat e tyre. Në të njëjtën linjë, ai ka kërkuar shtimin e takimeve në terren nga të gjitha strukturat e Partisë Socialiste, me synimin për të forcuar kontaktet me komunitetin dhe për të adresuar më shpejt problemet e evidentuara.
Pas përfundimit të mbledhjes, kryeministri Edi Rama u pa duke dalë nga selia rozë i shoqëruar nga kreu i Grupit Parlamentar të Partisë Socialiste Taulant Balla. Ky i fundit e shoqëroi deri pranë automjetit të tij, ku të dy u përshëndetën ngrohtësisht para se të vijonin me axhendat respektive.
Rama nuk dha asnjë deklaratë për mediat që e prisnin jashtë selisë së Partisë Socialiste. Ai u mjaftua vetëm me një përshëndetje me dorë në drejtim të gazetarëve, për t’u larguar më pas drejt një takimi tjetër të planifikuar në axhendën e tij.
Comments are closed.