Situata në Tiranë vijon të përshkallëzohet, ndërsa protestuesit janë futur në ambientet e Bashkisë së Tiranës, ku raportohet se kanë vënë zjarr brenda godinës.
Në vendngjarje ndodhen efektivë të policisë, të cilët po ndërhyjnë për të vënë situatën nën kontroll dhe për të shuar flakët. Ndërkohë, protestuesit vijojnë të qëndrojnë aty, pavarësisht tensioneve të krijuara.
Ngjarja vjen pas disa orësh protestë dhe përplasjesh në kryeqytet, ku janë raportuar dëmtime të pronës dhe incidente të tjera. Rrethanat e plota të zjarrit në godinën e Bashkisë dhe përmasat e dëmeve mbeten ende të paqarta.
Policia ka shpërndarë me forcë protestuesit, ndërsa këta të fundit u futën edhe brenda ambienteve të Bashkisë së Tiranës.
Nga pamjet brenda ambienteve shihet se i është vënë flaka, dhe gjithashtu janë thyer edhe xhama pas goditjes me gurë.
Protestuesit zhvendosën revoltën e tyre te Bashkia e Tiranës, pas tensioneve të zhvilluara te Ministria e Arsimit.
Ndërsa efektivët gjithashtu kanë shoqëruar edhe protestues të tjerë.
Comments are closed.