Ndërsa policia ka dhunuar studentët me shkopinj gome, gaz lotsjellës dhe ujë me presion, shumë prej tyre i janë rikthyer policëve me gurë dhe grushta.
Njëri prej tyre, është filmuar teksa ka marrë para 6 efektivë të FNSH që e godisnin me shkopa gome, duke përdorur vetëm grushtat.
Shikoni pamjet më poshtë:
Përpjekja e forcave të policisë për të shpërndarë turmën me autobotë uji nuk ka arritur të ndalë revoltën e të rinjve. Pas ndërhyrjes dhe përplasjeve të dhunshme, studentët janë rigrupuar sërish me shpejtësi përgjatë Rrugës së Durrësit.
Një grup i ri masiv qytetarësh dhe studentësh i është bashkuar tubimit, duke i dhënë një hov të ri protestës.
Me mijëra të rinj janë ribashkuar sërish pranë perimetrit të Ministrisë së Arsimit, ku thirrjet kundër qeverisë dhe kërkesat për dorëheqjen e kryeministrit po dëgjohen edhe më të fuqishme.
Situata mbetet mjaft e tensionuar, ndërsa vargu i protestuesit po shtohet nga momenti në moment, duke sfiduar kordonin dhe praninë e shumtë të forcave të rendit.
Deputeti i Partisë Mundësia, Erald Kapri ka qenë pranë studentëve të dhunuar nga policia në protestën e sotme para Ministrisë së Arsimit.
Kapri ka publikuar pamjet nga brenda furgonit të policisë ku ndodheshin studentët e gjakosur dhe të shoqëruar nga uniformat blu.
Në videon e postuar në rrjetet sociale nga deputeti i Mundësia mund të dëgjohet teksa Kapri teksa kërkon shpjegim nga efektivët për dhunën e ushtruar ndaj të rinjve.
Kapri shprehet se të gjithë efektivët që dhunuan studentët protestues sot do duhet të mbajnë përgjegjësi para ligjit.
“Shikoni si i kanë katandisur studentët! I kanë rrahur dhe i kanë futur në furgona policie. Do të mbajnë përgjegjësi, nga i pari te i fundit, për këto pamje”, u shpreh ai.
Comments are closed.