TIRANË – Çmimet e karburanteve në tregun vendas pritet të pësojnë një ulje të ndjeshme duke nisur nga muaji janar i vitit 2027. Njoftimi është bërë me dije nga Ministrja e Ekonomisë dhe Inovacionit, Delina Ibrahimaj, e cila deklaroi se nafta dhe benzina do të tregtohen mbi 30 lekë më lirë për çdo litër.
Sipas ministres, kjo ndërhyrje politiko-ekonomike është projektuar për të lehtësuar drejtpërdrejt buxhetin e familjeve shqiptare, si dhe për të ulur kostot e operimit për bizneset dhe sektorët kyç të ekonomisë.Kursim i drejtpërdrejtë për çdo plektimNë fjalën e saj, Ibrahimaj solli shembullin konkret të kursimit që do të realizojë çdo drejtues mjeti pas hyrjes në fuqi të masës së re.
“Kur mbushni makinën tuaj me 50 litra, kjo do të thotë se ju do të paguani rreth 1.500 lekë më pak, çdo herë. Nga kjo politikë fitojnë transportuesit, fermerët dhe të gjithë ju që përdorni makinën çdo ditë për të shkuar në punë,” u shpreh ajo.
Efekti zinxhir në konsum dhe tregjePërveç përfitimit të drejtpërdrejtë te konsumatorët që përdorin automjetet, nisma parashikohet të ketë një ndikim pozitiv në frenimin e inflacionit dhe uljen e çmimeve të produkteve bazë të shportës.Ministrja sqaroi se reduktimi i kostos së karburantit do të ulë automatikisht shpenzimet e transportit të mallrave dhe ato të prodhimit bujqësor e industrial.
“Dhe kur transporti kushton më pak, edhe mallrat në dyqan do të kushtojnë më pak, pasi kostot e prodhimit bëhen më të lira. Secili prej jush do të paguajë më pak për të udhëtuar, për të shkuar në punë, apo për të çuar fëmijët në çerdhe, kopsht apo shkollë”, nëvizoi ajo.
Monitorimi i tregutPër të garantuar se kjo ulje do të zbatohet plotësisht nga të gjithë operatorët e tregut me pakicë, ekzekutivi do të përdorë mekanizmat e kontrollit përmes Bordit të Transparencës. Ministrja Ibrahimaj siguroi se përmes monitorimit të vazhdueshëm do të garantohet që çdo ulje e çmimit të reflektohet në mënyrë të menjëhershme në çdo pikë karburanti në të gjithë territorin e vendit.
Comments are closed.