Endrit Hoxha është liruar nga detyra e zëvendësministrit të Turizmit, Kulturës dhe Sportit. Vendimi është miratuar nga Këshilli i Ministrave në mbledhjen e zhvilluar këtë të enjte.
Në njoftimin zyrtar nuk janë dhënë detaje të tjera lidhur me arsyet e lirimit të tij nga detyra.
Hoxha e ushtronte këtë detyrë prej prillit 2022, kur ishte emëruar zëvendësministër i Arsimit dhe Sportit.
V E N D I MI:
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
V E N D O S I: Z. Endrit Hoxha, zëvendësministër i Turizmit, Kulturës dhe Sportit, lirohet nga kjo detyrë.
Ky vendim hyn në fuqi menjëherë dhe botohet në “Fletoren zyrtare”.
K R Y E M I N I S T R I
EDI RAMA
Në mungesë dhe me porosi
ZËVENDËSKRYEMINISTRI
ALBANA KOÇIU
Comments are closed.