Sot u nda nga jeta Enver Petrovci, një nga figurat më të njohura dhe më të respektuara të skenës dhe kinematografisë shqiptare. Aktori dhe pedagogu i shquar la pas një trashëgimi të pasur artistike, e cila do të mbetet e gjallë për brezat e ardhshëm.
Në një intervistë të dhënë para tre vitesh, Petrovci rrëfeu hapur bindjet dhe pasionin e tij të thellë për artin. Ai ishte i vetëdijshëm për talentin e tij, por edhe për përgjegjësinë që vinte me të. “Mendoj që pak kam punuar, pak kam bërë, nuk jam modest. Unë jam besimtar. Aty nuk kam dilemë, se e kam parë dritën e Zotit,” kishte thënë ai në atë intervistë.
Gjithashtu, Petrovci shprehu edhe frikën e tij për dhuratën e talentit që kishte marrë nga Zoti. “Kam frikë me shku te Zoti sepse më ka dhënë shumë mundësi, e unë nuk kam bërë asgjë. Në krahasim me atë se sa mundësi m’ka dhënë.”, tha ai. Gjithashtu nënvizoi veçoritë që e bënë artist të veçantë, si zëri, mendja, talenti për skenë, komponim, këndim dhe instrument, si dhe shëndetin që i mundësoi të ushtronte artin me pasion.
“E unë vetëm kam qenë shqiptar,” ishte shprehja e tij që reflektonte thellësinë e lidhjes së tij me identitetin kombëtar dhe artin.
Trashëgimia e Enver Petrovcit do të mbetet një pjesë e rëndësishme e kulturës shqiptare, duke frymëzuar breza të rinj artistësh dhe duke lënë një model të paharrueshëm për jetën, talentin dhe përkushtimin ndaj
Kryeministri Edi Rama ka shprehur ngushëllimet për ndarjen nga jeta të aktorit Enver Petrofski në moshën 71-vjeçare.
Përmes një mesazhi në rrjetet sociale, Rama shkruan se Petrofski ishte një aktor i jashtëzakonshëm si dhe një njeri i dashur.
“Aktor i jashtëzakonshëm, njeri i dashur dhe keqardhje e madhe… Prehu në paqe Enver Petrofski”, shkruan Rama.
Enver Petrovci luajti rolin e Hamletit, Makbethi, Jul Cezarit, si edhe personazhe të tjerë të famshëm shekspirianë. Ai është një nga themeluesit e Teatrit Dodona dhe Shkollës së Aktrimit në Prishtinë.
Kush ishte ikona e kinematografisë
Enver Petrovci lindi më 28 shkurt 1954 në Prishtinë. Është një aktor dhe regjisor shqiptar. Fillimishtë studioi në Shkollën e Lartë Pedagogjike në Prishtinë në degën e aktrimit, më pastaj mbaroi studimet Universitare për aktor edhe në Fakultetin e Arteve Dramatike në Universitetin e Beogradit.
Ai ka arritur karrierë shumë të suksesshme në teatër, sidomos në atë “Atelieja 212” me rolet e luajtuara aty u bë i njohur në mbarë ish Jugosllavinë duke u vlerësuar si një nga aktorët me të famshëm të asaj kohe.
Pas mbarimit të luftës në ish Jugosllavi, pas vitit 1999 vazhdoi me sukses karrierën e tij artistike kryesisht në trojet shqiptare, në Kosovë, Shqipëri por edhe më gjerë.
Interpretimet e tij në film ishin gjithashtu shumë të mirëpritura duke arritur famë shumë të madhe në kinematografinë ish jugosllave, shqiptare dhe ndërkombëtare.
Është njëri nga themeluesit dhe profesorët e parë të degës së Artit Dramatik pranë Fakultetit të Arteve në Univerisitetin e Prishtinës. Pra, në vitin 1989 ai kthehet nga Beogradi për të ligjëruar lëndën e aktrimit në Universitetin e Prishtinës, ku dhe formohen kuadro të reja të aktorëve në Kosovë.
