Sot, vendi ynë do të ndikohet nga kushte atmosferike të paqëndrueshme, duke sjellë ndryshime të shpeshta në mot.
Pas një fillimi të ditës me kthjellime dhe vranësira të herëpashershme, reshjet e shiut do të bëhen të pranishme në shumë zona të territorit, veçanërisht gjatë orëve të mesditës dhe pasdites.
Moti parashikohet me alternime kthjellimesh dhe vranësirash mesatare deri të dendura. Reshjet e shiut, me intensitet të ulët, do të bëhen prezente prej orëve të mesditës dhe pasdites në pjesën më të madhe të territorit, ndërsa në relievet malore në formën e shtrëngatave afatshkurtra.
Era do të fryjë në drejtimin juglindje-jugperëndim, me shpejtësi mesatare 5 m/s, ndërsa përgjatë vijës bregdetare era fiton shpejtësi deri në 9 m/s. Valëzimi në det do të jetë i forcës 1-2 ballë.
Dita e sotme nisi me vranësira dhe reshje të pakta të izoluara, ndërsa pasditja sjell rrebeshe afatshkurtra, kryesisht në gjysmën lindore të vendit.
Në mbrëmje kushtet përmirësohen, por vetëm përkohësisht.
📌 Parashikimi per 5 ditet ne vijim:
E shtunë: Rrebeshe afatshkurtra në lindje dhe jug të Shqipërisë.
E diel: Reshje më të pakta në veri e perëndim, ndërsa fokusi mbetet në juglindje dhe lindje.
E hënë: Pothuajse pa reshje, vetëm ndonjë izolim i lehtë.
E martë & e mërkurë (1 tetor): Mot më stabil, me kthjellime dhe vranësira kalimtare.
🌡️ Temperaturat janë në rënie graduale:
Maksimumi sot rreth 30°C, të shtunën 27°C, ndërsa në mes të javës së ardhshme jo më shumë se 24-25°C.
Zonat malore zbresin deri në 4°C në mëngjes, me mundësi që majat e maleve të prekin 0°C.
Shtatori mbyllet me reshje dhe freski tipike vjeshte, ndërsa tetori nis me mot disi më të qëndrueshëm.
