Faqja “Aktoret shqiptare” në Facebook kujtoi së fundmi ndarjen nga jeta të aktores së njohur Violeta Deda. Vdekja e saj është e mbushur me shumë mister dhe ende nuk dihen plotësisht të gjitha detajet e rrethanave që çuan në humbjen e saj.
Sipas informacioneve të disponueshme, Violeta Deda ra në koma në vitin 1998, në moshën 45-vjeçare, dhe mbeti në këtë gjendje për 10 vjet, deri në vitin 2008, kur u nda nga jeta.
Në Amerikë, gjatë një operacioni të thjeshtë në vitin 1998, thuhet se ajo u harrua në narkozë, duke i shkaktuar ndalimin e zemrës. Edhe pse zemra u rikthye në jetë, truri i saj ishte dëmtuar rëndë, duke bërë që ajo të mos zgjohej më nga koma.
Violeta Deda ka lënë pas një trashëgimi të pasur artistike, duke luajtur në disa filma shqiptarë dhe produksione teatrale. Ndër rolet e saj më të njohura përmenden:
- Shpërthimi (1974) – roli i Shpresës
- Gërsheti i luftrave (1978) – teatër
- Gëzhoja e vjetër (1980) – roli i Mirandës
- Një ndodhi në port (1980) – roli i Lindës
- Skëterrë 43 (1980) – roli i Shpresës
- Goditja (1980) – roli i Mirës
- Kur xhirohej një film (1981) – roli i Liljanës
- Mondi dhe Diana (1985) – roli i mësueses
- Gurët e shtëpisë sime (1985) – roli i gruas së tenente Morucit
- Vrasje në gjueti (1987) – roli i Ferdinandës
- Kronika e një nate (1990) – roli i Franceskës
Humbja e Violeta Dedës, pas një lufte të gjatë dhe misterioze, ka lënë një boshllëk në artin shqiptar, por veprat e saj vazhdojnë të kujtohen dhe të vlerësohen nga publiku.
