Një ngjarje e rëndë ka tronditur sot zonën e Laprakës në Tiranë, ku një banor ka humbur jetën pasi është hedhur nga një pallat.
Sipas informacioneve të para, viktima – baba i tre fëmijëve – dyshohet se ka marrë vendimin tragjik për t’i dhënë fund jetës. Banorë të zonës kanë njoftuar menjëherë policinë dhe ambulancën, por fatkeqësisht ai ka ndërruar jetë në vend.
Forcat e rendit kanë mbërritur menjëherë në vendngjarje dhe po punojnë për sqarimin e rrethanave të sakta të ngjarjes. Trupi i pajetë është dërguar në Institutin e Mjekësisë Ligjore për ekzaminime të mëtejshme, ndërsa grupi hetimor po merr në pyetje familjarë dhe të afërm të viktimës për të kuptuar shkaqet që mund ta kenë çuar drejt këtij akti ekstrem.
Banorët e lagjes shprehen të tronditur, duke e përshkruar viktimën si një njeri të qetë dhe të përkushtuar ndaj familjes. Autoritetet pritet të japin një njoftim zyrtar në orët në vijim mbi rrethanat e kësaj ngjarjeje tragjike që ka lënë pas dhimbje të madhe në komunitet.
