Prej disa orësh, forca ushtarake po vijojnë operacionin për gjetjen e një gruaje të moshuar, e cila raportohet e humbur prej 12 orësh.
Bëhet fjalë për shtetasen Flora Hoxha, 76 vjeçe, ndërsa operacioni i regjimentit të Këmbësorisë së Jugut vijon në fshatin Progër.
Dyshimet janë se e moshuara mund të jetë mbytur në përroin e fshatit Progër, ndërsa zona është në kaos pas përmbytjeve masive nga reshjet e dendura të shiut.
Në terren për gjetjen e 76-vjeçares janë angazhuar 15 efektivë dhe 1 mjet i kalueshmërisë së lartë.
