Opozitarët do të mblidhen pasditen e kësaj të shtune në kryeqendrën e Shqipërisë, në Tiranë. Me thirrjen e Sali Berishës, demokratët do të zhvillojnë protestën e tyre të radhës, e si rrjedhojë Ambasada amerikane në Tiranë ka shprehur shqetësimin për shtetasit e vet.
Përmes një njoftimi zyrtar, ambasada u ka bërë thirrje amerikanëve që ndodhen në vendin tonë që të tregojnë kujdes dhe të respektojnë udhëzimet e autoriteteve si dhe të ndjekin mediat për zhvillimet e fundit.
“Një protestë është planifikuar të zhvillohet të shtunën, më 24 janar 2025, në orën 17:00. Protestuesit planifikojnë të mblidhen pranë godinës së Kryeministrisë, e cila ndodhet në Bulevardin Dëshmorët e Kombit, midis Sheshit Nënë Tereza dhe Sheshit Skënderbej. Pritet prani e shtuar e policisë, mbyllje rrugësh dhe ndërprerje të trafikut. Policia e Shtetit Shqiptar ka njoftuar se protestuesit mund të bllokojnë kryqëzime në pjesë të ndryshme të qytetit të Tiranës. Personeli i Ambasadës së SHBA-së është këshilluar të shmangë protestën. Ndiqni mediat lokale dhe zbatoni udhëzimet e autoriteteve lokale të zbatimit të ligjit për informacionin më të fundit”, thuhet ndër të tjera në njoftimin e bërë nga Ambasada amerikane në Shqipëri.
Njoftimi i plotë:
Një protestë është planifikuar të zhvillohet të shtunën, më 24 janar 2025, në orën 17:00. Protestuesit planifikojnë të mblidhen pranë godinës së Kryeministrisë, e cila ndodhet në Bulevardin Dëshmorët e Kombit, midis Sheshit Nënë Tereza dhe Sheshit Skënderbej. Pritet prani e shtuar e policisë, mbyllje rrugësh dhe ndërprerje të trafikut. Policia e Shtetit Shqiptar ka njoftuar se protestuesit mund të bllokojnë kryqëzime në pjesë të ndryshme të qytetit të Tiranës. Personeli i Ambasadës së SHBA-së është këshilluar të shmangë protestën. Ndiqni mediat lokale dhe zbatoni udhëzimet e autoriteteve lokale të zbatimit të ligjit për informacionin më të fundit.
Edhe pse protestat dhe tubimet e mëdha shpesh fillojnë në mënyrë paqësore, situatat mund të ndryshojnë shpejt. Udhëzimi ynë i qëndrueshëm është të shmangen zonat e protestave. Nëse ndodheni në qytet, ju lutemi qëndroni vigjilentë dhe jepni përparësi sigurisë suaj personale. Forconi qëndrimin tuaj të sigurisë duke zbatuar zakonet e mëposhtme:
Veprime për t’u ndërmarrë:
Shtetasit amerikanë këshillohen të shmangin këtë ngjarje
Jini të vetëdijshëm për rrethinën tuaj
Kufizoni shpërqendrimet si telefonat ose kufjet në ambiente publike
Ndiqni mediat lokale
Gjithmonë keni një plan emergjence ose strategji daljeje
Mbani një profil të ulët
Comments are closed.