Një video e banorit të “Big Brother VIP Albania”, Stenaldos, ku ai shihet duke drejtuar një automjet, ka pushtuar rrjetet sociale ditët e fundit duke ngjallur debate të forta.
Pamjet, të cilat tregojnë djaloshin e verbër në timon me një shpejtësi rreth 50 kilometra në orë, ngritën menjëherë shqetësime dhe kritika nga përdoruesit për rrezikshmërinë e këtij veprimi.
Pas zhurmës së krijuar, tezja e tij, Zana Kati, ka sqaruar në një intervistë televizive se pamjet nuk janë aktuale dhe janë realizuar nën mbikëqyrje të plotë.
“Ai do të provojë gjithçka! Ajo video është bërë 5 vjet më parë, e ka bërë xhiron me shokun e tij që kishte dëshirë t’ia provonte makinën, kemi qenë të gjithë aty, ka bërë një xhiro të shkurtër, ai e ka qejf adrenalinën! Komentet negative s’na bëjnë përshtypje për videon me makinë, për ne e rëndë është ofendimi që i ka bërë Rogerti!” – ka deklaruar ajo.
Comments are closed.