Mbledhja e së enjtes e kryeministrit Rama me ekipin drejtues, drejtoritë kryesore të bashkisë dhe kryetarët e njësive administrative të Tiranës është anuluar për çështje të ndryshimit të axhendës.
Mungesa e Erion Veliajt në drejtimin e bashkisë ka bërë që kryeministri Edi Rama t’i rikthehet vëmendjes së shtuar ndaj punëve të kryeqytetit.
Të mërkurën, ai zhvilloi një takim me deputetët e qarkut të Tiranës, kryetarët e njësive të PS-së në kryeqytet dhe një pjesë të drejtuesve të bashkisë për të bashkërenduar punën dhe për të dalë në terren.
Ka përfunduar mbledhje e kryeministrit Edi Rama me socialistët e kryeqytetit. Rama u ka kërkuar ekipit të Tiranës që dalin në terren për të takuar qytetarët për organizimin e brendshëm. Deputetët dhe ish deputetët do të duhet të koordinoheni me bashkinë e Tiranës për problematikat që më pas të raportohen
Burime për A2 CNN tregojnë se Rama u ka kërkuar më shumë angazhim të gjithëve në veçanti bashkisë së Tiranës, sidomos për hapësirat publike. Mësohet se Kryeministri u ka thënë të pranishme: “U kam thënë se mungesa e kryetarit te zgjedhur do të jetë një problem, por ju nuk e keni marrë shumë seriozisht në atë kohë”.
Gjithashtu pritet të ngrihet një grup pune nën drejtimin e Manastirliut për të identifikuar të gjitha problematikat dhe të raportohen sërish në mbledhjet e tjera.
Përveç Kryeministrit, në mbledhje kanë folur edhe deputetë të tjerë, Erion Braçe ka ngritur shqetësimet e zonës së tij elektorale dhe kërkesën për të gjetur zgjidhje. Gjatë kësaj jave pritet të ketë një takim me drejtuesit e njësive administrative në Tiranë.
Comments are closed.