Presidenti amerikan, Donald Trump, dhe presidenti rus, Vladimir Putin, zhvilluan një bisedë telefonike që zgjati rreth një orë, duke diskutuar zhvillimet e fundit në Iran dhe Ukrainë.
Sipas një njoftimi të Kremlinit, takimi ishte “konstruktiv, i sinqertë dhe profesional”. Gjatë bisedës, Putin propozoi disa zgjidhje për menaxhimin e konfliktit në Iran.
Sa i përket situatës në Ukrainë, Kremlini njoftoi se presidenti rus theksoi përparimet e shpejta të forcave ruse dhe sugjeroi se kjo duhet të nxisë Kievin drejt negociatave.
Presidenti i SHBA-së Donald Trump ka sugjeruar se lufta kundër Iranit mund të përfundojë së shpejti, duke i thënë partnerit mediatik amerikan të BBC-së, CBS News:
“Mendoj se lufta është pothuajse e përfunduar, në thelb.”
Ai thotë se SHBA-ja është “shumë përpara afatit”, duke shtuar se Irani “nuk ka marinë, nuk ka komunikime, nuk kanë forcë ajrore”, dhe pretendon se raketat e tyre “janë shpërndarë dhe nuk përbëjnë më një forcë të organizuar”.
Kur u pyet nëse mendon se lufta mund të përfundojë së shpejti, Trump u përgjigj: “Përfundimi është vetëm në mendjen time.”
Shtëpia e Bardhë më herët ka sinjalizuar se lufta, e cila është në ditën e saj të dhjetë, mund të zgjasë më shumë se një muaj.
Comments are closed.