Pas matjeve në muajin Shkurt dhe Mars, Barometri Euronews – Albania ka zhvilluar matjen e tretë zgjedhore për Qarkun e Tiranës në muajin Prill.
Periudha kohore e mbledhjes së të dhënave për matjen e tretë zgjedhore të Barometrit Euronews-Albania në Qarkun e Tiranës është 11 Prill – 22 Prill 2025 dhe marzhi gabimit është +/-3.1%.
Matja e tretë politike për Qarkun e Tiranës nga Barometri sjell edhe rezultatin e prirjes së votës sipas mendimit të qytetarëve që janë pyetur.
Sipas këtij rezultati: Nëse zgjedhjet do të zhvilloheshin sot ( 11 -22 Prill ):
39.3 % e të pyeturve do të votonin Partinë Socialiste.
26 % do të votonin ASHM-Sali Berisha.
7.4 % e të pyeturve do të votonin Partinë Mundësia.
6.5 % do të votonin Nisma – Shqipëria Bëhet.
3.4 % do të votonin Lëvizjen Bashkë.
1 % do të votonin KEA-Lulzim Basha.
15 % e të pyeturve janë ende të pavendosur se për kë do të votonin.
Nëse krahasojmë të dhënat e tre matjeve për Qarkun e Tiranës dhe prirjen e votës si rezultat kuptojmë që: ka një rritje të lehtë të PS, ASHM, Mundësia, Nisma –ShB në prirjen e votës, ruan të njëjtat shifra Lëvizja Bashkë, dhe të pavendosurit bien dukshëm në matjen e tretë ( 23.9 % Shkurt /17.9 % Mars /15 % Prill)
Nisur nga këto të dhëna të prirjes së votës në matjen e tretë politike për Qarkun e Tiranës, Barometri sjell projekionin e votës ose potencialisht si mund të ndahet vota e qarkut të Tiranës nga subjektet që janë në garë.
Sipas këtij projeksioni :
Partia Socialiste në 11 Maj mund të marrë potencialisht 46,2 % të votave +-2 % (44.2%-48.2 % )
Aleanca Për Shqipërinë Madhështore në 11 Maj mund të marrë potencialisht 30.6 % të votave +-2 % (28.6 % -32.6%)
Partia Mundësia në 11 Maj mund të marrë potencialisht 8.7% të votave +-1.5% (7.2 %-10.2%)
Nisma –Shqipëria Bëhet mund të marrë potencialisht në 11 Maj 7.6 % të votave +-1.5% (6.1 % -9.1 %)
Lëvizja Bashkë mund të marrë në 11 Maj potencialisht 4% të votave +-1% (3% -5 %)
Koalicioni Euroatlantik mund të marrë potencialisht në 11 Maj 1.2% të votave +-1% (0.2 % -2.2 %).
Bazuar në matjen e tretë zgjedhore të Barometrit Euronews Albania për Qarkun e Tiranës, realizuar gjatë periudhës 11–22 Prill 2025 dhe duke aplikuar metodën D’Hondt për ndarjen e mandateve, projektohet që 36 mandatet në këtë qark të ndahen si më poshtë:
-
Partia Socialiste (PS) – 18 mandate
-
Aleanca për Shqipërinë Madhështore (ASHM) – 12 mandate
-
Partia Mundësia – 3 mandate
-
Nisma – Shqipëria Bëhet – 2 mandate
-
Lëvizja Bashkë – 1 mandat
Ky projeksion është ndërtuar mbi përqindjet e mbështetjes për partitë politike siç janë raportuar nga qytetarët e pyetur dhe pasqyron një përqasje të mundshme të rezultateve zgjedhore nëse votimi do të zhvillohej sot.
