Një lajm i kobshëm ka mbërritur mesditën e sotme nga Durrësi ku mësohet se është ndarë nga jeta ndërtuesi i batiskafit të parë shqiptar, Thoma Berberi.
Lajmi i trishtë është konfirmuar nga të afërmit e Berberit të cilët kanë bërë publike vdekjen e tij.
Beberi do të mbahet mend për pasionin që kishte për detin dhe veprimtaritë ujore përfshirë këtu: peshkim, zhytje, eksplorim si dhe arkeologji nënujore.
Kush ishte Thoma Berberi?
Thoma Berberi, apo siç e njohin të gjithë Mai, në vitet ’70 realizoi një sipërmarrje që pak veta do e vlerësonin të guximshme.
Së bashku me vëllezërit dhe një grup të vogël shokësh e bashkëpunëtorësh Mai arriti të ndërtonte batiskafin e parë, me të cilin u xhiruan skenat nënujore të filmit “Ballë për ballë”.
Në kohën e inagurimit, ndërtimi i batiskafit bëri shumë bujë. TVSH-ja u dedikoi një dokumentar më shumë se 20 minuta djemve të angazhuar në këtë projekt, ndërsa gazeta dhe revista të kohës e vlerësuan atë si një arritje mjaft të madhe të këtij grupi durrsakësh nën 30 vjeç.
Comments are closed.