Një aksident tragjik i preu jetën në mes të riut Kristo Liço! 33-vjeçari nga Përmeti i cili kishte ardhur në Tiranë për të punuar dhe për të vazhduar jetën, me ëndrra dhe plane për të ardhmen, u përplas më 1 prill nga 18-vjeçari me “BMW X5”.
Prej asaj dite Kristo luftoi me të gjithë forcën për të shpëtuar, mirëpo ditën e djeshme plagët e marra e mposhtën atë, dhe fatkeqësisht mbylli sytë përgjithmonë në shtratin e Spitalit të Traumës.
Për të gjithë që e njihnin Kristo ishte djalë punëtor, i pashoq, ashtu si dhe miqtë e tij thonë. Ai punonte për kompaninë “Wolt”, nga e cila deri më tani nuk ka ardhur asnjë reagim sa i përket këtij aksidenti dhe faktit që një prej tyre ndërroi jetë në një mënyrë tragjike.
Pasi kjo ngjarje është duke u përpjekur që të kalohet sikur nuk ka ndodhur! Përpos kompanisë, edhe Policia e Shtetit ka vendosur që të “heshtë”. Siç kemi bërë me dije dhe më herët, aksidenti dyshohet të jetë shkaktuar nga 18-vjeçari Endri Brailika, i cili drejtonte një automjet tip “BMW X5”.
Ndonëse ai kishte vetëm tre muaj që ishte pajisur me leje drejtimi, 18-vjeçari “sy pa trembur” nga pozicioni i të atit qarkullonte lehtësisht nëpër rrugë me një mjet përtej kapaciteteve qe i lejohej.
Thuhet se babai i të riut është oficer policie dhe kjo ka ndikuar edhe në shpëtimin e të birit nga “telashet” me drejtësinë. Pavarësisht rrethanave tragjike të këtij aksidenti, 18-vjeçari u shoqërua në Komisariat dhe më pa u lirua menjëherë.
Ndërkohë që të afërmit dhe miqtë e Kristit kërkojnë transparencë dhe drejtësi, teksa kanë njoftuar dhe një protestë e cila pritet të mbahet ditën e premte në orën 10:00 para ambienteve të Gjykatës së Tiranës!
“Kjo nuk duhet të kalojë si një padrejtësi e heshtur. Duam drejtësi për Kristin,” shprehen të afërmit.
Comments are closed.