Analisti Baton Haxhiu ishte këtë të hënë në “Barometri” në Euronews Albania ku ka komentuar matjet e fundit të bëra para zgjedhjeve të 11 majit.
Sipas Haxhiut pas zgjedhjeve do të kemi në parlament 5 parti, ndërsa theksoi se ndryshimi do të vijë në Tiranë.
“Një konstatim i parë është që sot, Shqipëria, do ketë 5 parti politike në parlament. Ky rezultat do shihet edhe ditën e diel. Ndryshimi i parë vjen në Tiranë dhe jo në periferi.
Rezultatet nga dhjetori deri më sot tregojnë se nuk ka pasur ekspozim të vrazhdë gjatë zgjedhjeve dhe as përplasje të mëdha, ndaj kurba nga dhjetori deri tani është e afërt, ndaj lëvizjet në matjet nga dhjetori deri tani janë të vogla.
