Ish-ministri socialist Saimir Tahiri ka vendosur t’i rikthehet jetës publike, teksa ka vendosur që pas rreth 3 vitesh të bëhet aktiv në llogaritë e tij në rrjetet sociale. Këtë enjte, ai ka ndryshuar fotografinë e profilit në Facebook.
Një fotografi portret e realizuar më shumë se 3 vite më parë, kur Saimir Tahiri përballej me SPAK dhe shprehej nga dyert e drejtësisë së re, atëkohë, se do të luftonte për pafajësinë dhe falenderonte mijëra qytetarët dhe ndjekësit që kishin besuar tek ai.
Saimir Tahiri mbetet një nga figurat më të dashura nga socialistët e thjeshtë dhe këtë e tregon dhe mbështetja e madhe që ai ka marrë sapo ka ndërmarrë një veprim kaq të thjeshtë, si zëvendësimi i fotografisë së profilit.
Janë me qindra qytetarë që e komplimentojnë për standardin që ai vendosi në Policinë e Shtetit, ndërsa edhe i kujtojnë se ai ishte “një viktimë” që karrierën politike ia shkatërruan bashkëpunëtorët e tij politikë, ose më saktë, ish-at.
Bashkia e Tiranës do të shtojë pikat e shpërndarjes së aboneve falas për pensionistët. Lajmin e dha kryetarja e komanduar e Bashkisë së Tiranës, Anuela Ristani në mbledhjen e sotme të këshillit bashkiak.
Do të shtohen pikat e shpërndarjes së aboneve. Pikat e shërbimit janë të hapura thuajse 16 orë në ditë. Kemi shtuar jo vetëm numrin e ditëve kur aboneja shpërndahet, por edhe numrin e pikave. Shpresojmë që kjo do të ketë një efekt pozitiv sa i përket radhës dhe ngarkesës. Nuk bëhet dot me librezat e pensionit pasi bileta është e një tjetër lloj dokumentacioni”, deklaroi Ristani.
Ristani u shpreh se në vijim Bashkia e Tiranës do nisë punë për ndërtimin e një sistemi të ri për të adresuar këtë problematikë në mënyrë më digjitale.
“Bashkia e Tiranës po drafton termat e referencës për një sistem të ri, që do të adresojë këtë gjë në një mënyrë më koherente dhe më digjitale, dhe të shmangim radhët për kohën në vijim. Fatkeqësisht tani jemi të lidhur me një mënyrë të bërit të sistemit dhe po mundohemi ta optimizojmë me shtimin e pikave për shpërndarje”, theksoi Anuela Ristani.
Comments are closed.