Fotoja që shihni është e 7-vjeçarit Algit Samurri, i cili humbi jetën tragjikisht në një aksident rrugor në aksin nacional Elbasan-Librazhd.
Ngjarja e rëndë ndodhi rreth orës 08:00 të mëngjesit të sotëm, në fshatin Mengël, teksa nëna po e shoqëronte të miturin për në shkollë.
Mësohet se vogëlushi ishte nxënës i klasës së parë. Jeta dhe ëndrrat e tij u ndërprenë tragjikisht në lulen e rinisë.
Ndërkohë, drejtuesi i mjetit të përfshirë në aksident është producenti Petri Bozo. Sipas dëshmitarëve në vendngjarje, fëmija po kalonte rrugën së bashku me nënën, por në një moment i ka shpëtuar vëmendjes së saj dhe ka përfunduar poshtë rrotave të automjetit.
Një ngjarje e rëndë ka tronditur mëngjesin e sotëm fshatin Mengël në Elbasan, ku një fëmijë vetëm 7 vjeç ka humbur jetën pasi u përplas nga një automjet.
Sipas informacioneve paraprake, automjeti drejtohej nga një 61-vjeçar i identifikuar me inicialet P.B., ndërsa përplasja rezultoi fatale për të miturin.
Pas ngjarjes, një banor i zonës ka folur për mediat, duke treguar se drejtuesi i mjetit pretendonte se po lëvizte me shpejtësi shumë të ulët në momentin e aksidentit.
“Tha se ishte duke ecur me 10 km në orë. Tha: ‘Jam duke ecur në rrugë nacionale, kam të drejtën time, isha me 10 km/h’”, është shprehur dëshmitari.
Banorët e zonës kanë ngritur shqetësimin se segmenti ku ndodhi aksidenti konsiderohet prej kohësh problematik dhe i rrezikshëm për këmbësorët.
Sipas tyre, në këtë rrugë kanë ndodhur edhe më parë aksidente, ndërsa kërkojnë masa urgjente për rritjen e sigurisë dhe parandalimin e tragjedive të tjera.
Ndërkohë, autoritetet kanë nisur hetimet për të zbardhur plotësisht rrethanat e aksidentit dhe për të përcaktuar përgjegjësitë lidhur me ngjarjen e rëndë që i mori jetën vogëlushit 7-vjeçar.
Regjisori dhe producenti Petri Bozo dyshohet se përplasi për vdekje një fëmijë 7-vjeçar mëngjesin e kësaj të hëne në fshatin Mengël të Elbasanit. Aksidenti tragjik ndodhi në aksin nacional Elbasan-Librazhd, pranë shkollës së fëmijës, ndërsa i mituri po shkonte në mësim i shoqëruar nga nëna e tij.
Sipas informacioneve paraprake, 7-vjeçari dyshohet se iu shkëput nga dora nënës në momentin që po kalonin rrugën dhe u përplas nga automjeti që drejtohej nga 61-vjeçari. Përplasja rezultoi fatale, ndërsa drejtuesi i mjetit është shoqëruar në komisariat për veprime të mëtejshme procedurale.
Një dëshmitar i ngjarjes deklaroi se pas aksidentit një i ri nxori me kujdes fëmijën nga poshtë makinës, ndërsa shoferi shprehej se ndodhej në rrugë nacionale dhe kishte përparësi. Banori theksoi gjithashtu se automjetet në këtë aks lëvizin shpesh me shpejtësi të lartë, duke e bërë zonën të rrezikshme për banorët dhe nxënësit e shkollës pranë rrugës.
Comments are closed.