Pas leximit live të letrës ku Indri i dha fund marrëdhënies së tyre, ka ardhur edhe reagimi zyrtar nga Vanesa.
Përmes një shkrimi të gjatë në profilin e saj në Instagram, ish-banorja ka sqaruar ndjekësit për qëndrimin e saj dhe ka zbuluar prapaskenat e produksionit lidhur me ftesën për të qenë e pranishme në studio.
Vanesa ka treguar se mosardhja e saj në *Prime* ka qenë një vendim i qëllimshëm, pasi kishte kuptuar paraprakisht strategjinë që po përdorej me këtë situatë.
“Ky postim është për të gjithë ju që më keni ndjekur dhe më keni mbështetur në rrugëtimin tim. Gjatë gjithë këtyre ditëve nuk kam reaguar, pasi kam pritur që hijet e mia të dyshimit të vërtetohen. Kam qenë e sinqertë që prej fillimit dhe do të jem e tillë deri në fund. Ata që e kanë kuptuar karakterin tim kanë përfituar nga ndjenjat reale, duke ushqyer narrativën që u leverdis. Sonte nuk do të jem pjesë e Prime, pasi e kam kuptuar përmbajtjen e letrës, si është ideuar dhe përse më është kërkuar me ngulm të jem prezente. Nuk kam premtuar në asnjë moment që do të jem prezente ditën e sotme.”
Më tej, ajo ka zbuluar edhe kërkesat e bëra nga produksioni gjatë ditëve të kaluara, të cilat i ka refuzuar për të mos u bërë pjesë e skenarëve televizivë.
“Ditën e premte më është kërkuar të bëj një ballafaqim me Klevisën dhe Sarën dhe, pasi e refuzova një gjë të tillë, më është treguar për ekzistencën e letrës. Askush nuk mund të bëjë lojë nën petkun e vajzave. Me shumë sinqeritet dhe mirënjohje për të gjithë ju, Vanesa dhe management.”>
Mbrëmja e sotme e spektaklit Prime në “Ferma VIP” ka sjellë përmbushjen e parashikimeve të javës sa i përket letrës së fshehtë të Indritit.
Ndonëse pritej një vendim i rëndësishëm, përmbajtja e lexuar live nga vetë konkurrenti ka sjellë një kthesë të prerë në raportin e tij me Vanesën, duke konfirmuar mbylljen e historisë së tyre të dashurisë.
Indriti ka zgjedhur të jetë tërësisht i drejtpërdrejtë në rreshtat e tij, duke pranuar se distanca e ditëve të fundit i ka shërbyet për të kuptuar se ndjenjat e tyre nuk ishin në të njëjtin nivel.
“E dashur Vanesa, nuk është e lehtë me ta shkru këtë letër, ashtu siç nuk do jetë për ty me e lexu. Gjatë ditëve që nuk kemi qenë bashkë në Fermë kam patur mundësinë për të menduar për herë të parë mbi ne të dy. Jam i bindur që ka qenë edhe për ty njëlloj aty jashtë. Fakti është që nuk besoj që historia jonë mund të ketë një të ardhme. Nuk kam ndjerë atë mungesë dhe nuk të kam menduar ashtu siç të prisja. Fatkeqësisht kam ndjerë një sens lirie, plus faktori që disniveli i ndjesisë që ti ke patur për mu dhe unë për ty më është bërë më i qartë gjatë këtyre ditëve largësi. Kisha patur shumë dëshirë që kur të dal nga këtu të kemi mundësinë të takohemi dhe të flasim ballë për ballë për gjithçka. Më fal, se ndoshta kjo nuk është mënyra më e drejtë por është mënyra më e vërtetë për të shkruar atë që unë ndjej në marrëdhënie me ty. Në këto momente e kuptoj që unë nuk jam i duhuri për ty dhe që ti meriton dikë tjetër që të do ashtu siç ti më do mua. Unë e dua shumë vajzën që ti je. Indri.”
Fjalët e letrës kanë shkaktuar reagime të menjëhershme habie dhe emocione të forta tek të pranishmit në studio dhe banorët që po e ndiqnin transmetimin.
Ndërsa Klevisa ka mbajtur një qëndrim më të ftohtë duke dëgjuar vendimin, pjesa tjetër e kastit nuk e ka fshehur dot habitë nga mënyra e prerë se si Indriti vendosi të ndërpresë lidhjen përpara publikut.
Comments are closed.