Kryeministri akomodohet në vilat qeveritare në jug, ndërsa qytetarët kërkojnë dorëheqjen e tij para Kryeministrisë.
Kryeministri Edi Rama ka mbërritur mbrëmjen e sotme në Dhërmi, ku pritet të akomodohet në vilat qeveritare.
Burime bëjnë me dije se kreu i qeverisë nuk është ndalur në Vlorë, por ka vijuar udhëtimin drejt Dhërmiut. Deri më tani nuk është bërë e ditur nëse qëndrimi i tij lidhet me takime pune apo me një fundjavë pushimi.
Mbërritja e Ramës në jug të vendit vjen në të njëjtën kohë kur në Tiranë po zhvillohet protesta e 27-të e qytetarëve para godinës së Kryeministrisë.
Protestuesit kanë kërkuar edhe këtë të premte dorëheqjen e kryeministrit dhe largimin e qeverisë, ndërsa organizatorët kanë paralajmëruar një protestë mbarëkombëtare për ditën e nesërme.Qytetarët në shesh për dorëheqjen e tij, Edi Rama sapo bëri lëvizjen e papritur që askush nuk e priste!
Në prag të samitit të NATO-s, Shqipëria paraqitet nga mediat italiane si një pikë rivaliteti strategjik mes Italisë dhe Turqisë, ndërsa Ankaraja po zgjeron ndikimin e saj përmes ekonomisë, mbrojtjes dhe fuqisë së butë fetare.
Në prag të samitit të ardhshëm të NATO-s po zhvillohet një debat i heshtur, por i vazhdueshëm, në krahun jugor të Aleancës. Në qendër të tij ndodhet pikërisht vendi i shqiponjës dykrenare, ku këto “dy koka” mund të jenë Italia dhe Turqia. Nëse Italia e ka konsideruar prej kohësh Shqipërinë si “oborrin e saj” dhe zgjatimin natyror në Adriatik, për Turqinë e Recep Tayyip Erdoğanit vendi përfaqëson projeksionin neo-osman të një procesi ndikimi që i ka rrënjët shumë vite më parë.
Le të kthehemi në shekullin XV, kur heroi shqiptar Gjergj Kastrioti Skënderbeu, i cilësuar nga Papa Kalisti III si “Atlet i Krishtit dhe mbrojtës i fesë”, udhëhoqi për dekada rezistencën që vonoi nënshtrimin e Shqipërisë ndaj Perandorisë Osmane. Megjithatë, pas vdekjes së heroit kombëtar, Shqipëria ra nën sundimin osman për gati katër shekuj.
Sundimi osman gjatë këtyre katër shekujve ishte kryesisht ekonomik. Në Perandorinë Osmane ekzistonte statusi i dhimmi për jo myslimanët. Edhe pse pjesë e Perandorisë, ata konsideroheshin qytetarë të dorës së dytë dhe i nënshtroheshin pagesës së taksës xhizje, një taksë personale shumë e rëndë.
Pikërisht gjatë sundimit osman në Shqipëri nisi të përhapej bektashizmi, një vëllazëri mistike sufiste me një besim tolerant dhe sinkretik. Duke përfshirë disa elemente të krishterimit, besimi bektashi kontribuoi në një kalim më të butë të shqiptarëve nga krishterimi në islam.
Edhe pas përfundimit të sundimit osman, Turqia vazhdoi të ushtrojë ndikimin e saj përmes strategjive të fuqisë së butë, fetare dhe ekonomike. Ajo mbetet një nga partnerët kryesorë ekonomikë të Shqipërisë dhe ushtron ndikim edhe në sektorët e shëndetësisë dhe telekomunikacionit. Tirana ka blerë gjithashtu dronët e njohur Bayraktar TB2, ndërsa dhjetëra specialistë shqiptarë, përfshirë pilotë dhe teknikë, trajnohen drejtpërdrejt nga instruktorë turq.
Strategjia e Ankarasë është ta paraqesë Turqinë si një “mirëbërëse dashamirëse”, përmes eksportimit të islamit sunit dhe ndërtimit të xhamive madhështore, mes tyre edhe Xhamia e Namazgjasë në zemër të Tiranës.
Për Italinë, nga ana tjetër, Shqipëria ka qenë gjithmonë zgjatimi i saj natyror në Adriatik, “vëllai i madh” që nga kriza e viteve ’90 e deri te nënshkrimi i protokollit për emigrantët me qeverinë Meloni, rezultatet e të cilit janë mbrojtur edhe nga vetë kryeministri Edi Rama, megjithëse kanë qenë të pakta dhe jo të veçanta.
Në samitin e ardhshëm të NATO-s, Shqipëria do të ulet si një aleate besnike, por njëkohësisht e kontestuar mes “dy kokave”, Perëndimit dhe Lindjes. Italisë do t’i takojë detyra t’i ofrojë aleatit shqiptar një vizion strategjik që shkon përtej menaxhimit të flukseve migratore. Në të kundërt, do të jetë Turqia e Erdoğanit ajo që do të mbushë hapësirat gjeopolitike dhe identitare të lëna pas dore nga Perëndimi. /Përshtatur nga “IlRiformista”
Comments are closed.