Një aksident është regjistruar në lagjen 10 të qytetit të Korçës, në zonën e njohur si “Dritat e Verdha”, ku një automjet ka përplasur një karrocë në të cilën ndodhej një fëmijë 1 vjeç e gjysmë.
Sipas informacioneve paraprake, nëna po kalonte rrugën së bashku me fëmijën, kur automjeti ka goditur karrocën. Menjëherë pas ngjarjes, ka qenë vetë drejtuesi i mjetit ai që ka transportuar të miturin drejt Urgjencës së Spitalit të Korçës.
Burime nga bluzat e bardha bëjnë me dije se fëmija ndodhet jashtë rrezikut për jetën dhe po merr ndihmën e nevojshme mjekësore. Ndërkohë, policia ka nisur procedurat me drejtuesin e automjetit, ndërsa pritet të zbardhen rrethanat dhe shkaqet e plota të aksidentit.
Kanë dalë pamjet nga vendi ku ndodhi aksidenti në lagjen 10 të qytetit të Korçës, në zonën e njohur si “Dritat e Verdha”, ku një automjet përplasi karrocën e një fëmije 1 vjeç e gjysmë.
Në vendngjarje ndodhen forca të policisë, të cilat kanë rrethuar zonën dhe po kryejnë veprimet hetimore për të zbardhur shkaqet dhe rrethanat e aksidentit.
Si pasojë e përplasjes, fëmija u transportua me urgjencë në Spitalin e Korçës nga vetë drejtuesi i automjetit. Fatmirësisht, sipas mjekëve, i mituri ndodhet jashtë rrezikut për jetën dhe po merr ndihmën e nevojshme mjekësore. Hetimet vijojnë, ndërsa pritet që policia të sqarojë dinamikën e plotë të ngjarjes.
Comments are closed.