1207 të rinj kanë mundësinë të fitojnë përvojën e parë profesionale dhe të hedhin një hap drejt punësimit në administratën publike.
Thirrja e 11-të e Programit Kombëtar të Praktikave të Punës u drejtohet të rinjve nga 21 deri në 29 vjeç, të cilët kanë përfunduar studimet Bachelor ose Master dhe dëshirojnë të zhvillojnë aftësitë e tyre profesionale.
Related article Federal judge blocks Trump admin’s plan
Aplikimet janë të hapura deri më 16 gusht, ndërsa praktikat do të zhvillohen gjatë periudhës shtator-dhjetor të këtij viti. Pozicionet ofrohen nga institucionet e administratës shtetërore dhe 48 bashki në të gjithë vendin.
Praktika zgjat tre muaj dhe shoqërohet me kompensim financiar në formën e trajtimit ushqimor. Pjesëmarrësit do të ndjekin gjithashtu një program të posaçëm trajnimi të zhvilluar nga Shkolla Shqiptare e Administratës Publike.
Related article Reagimi i Balles ndez debat te forte ne rrjet
Për të rinjtë pjesëmarrës parashikohet edhe mundësia e punësimit me kontratë njëvjeçare pas përfundimit të praktikës. Aplikimi kryhet vetëm online, përmes platformës zyrtare të Programit Kombëtar të Praktikave të Punës.
Related article Befasuese, para protestes, Policia ben levizjen E RENDE kunder protestuesve!
Programi synon t’u krijojë të rinjve mundësinë për të ndërthurur njohuritë akademike me përvojën praktike, duke i ndihmuar në ndërtimin e hapave të parë të karrierës në administratën publike. Përmes angazhimit pranë profesionistëve të administratës, të rinjtë do të kenë mundësi të zhvillojnë më tej aftësitë profesionale, akademike dhe personale.
Comments are closed.