Një video skandaloze po aq dhe e paprecedentë është bërë publike së fundmi nga gazetari Osman Stafa, përmes së cilës tregohet sjellja e efektivëve të Policisë së Kuçovës të cilët në praninë e një fëmije të mitur tërheqin zvarrë një qytetar.
Sipas asaj që thuhet paraprakisht, efektivët e Policisë së Kuçovës kishin shkuar në banesën e këtij shtetasi dhe e kanë arrestuar, pasi dyshohet se ky person kishte suvatuar pa leje murin e banesës.
Në video shihet dhe momenti kur ata mësyjnë në banesën e ndodhur në një nga fshatrat e largët të Kuçovës dhe tentojnë të arrestojnë me dhunë këtë shtetas. Ku akt barbarie është regjistruar para syve të një të mituri, i cili përpos se qan me të madhe dhe ju lutet efektivëve që të ndalojnë ata tërheqin zvarrë kryefamiljarin.
“O Xhaxhi polic, o xhaxhi polic të lutem…”,dëgjohet të thotë i mituri.
Një ngjarje traumatizuese për fëmijët është regjistruar përpara një muaji në Kuçovë.
Shoqërimi bëhet në sy të të miturve, teksa dëgjohen dhe britmat e ulërimat e të vegjëlve. Një prej fëmijëve dëgjohet duke thënë “O xhaxhi polic”.
Ngjarja ka ndodhur 1 muaj më parë, në dt. 3 gusht 2026, në fshatin Krekëz në Kuçovë. Dashnor Toska ka kanosur me çifte vëllain e tij, pas një konflikti për tokat dhe ky i fundit ka njoftuar policinë.
Sipas policisë, shtetasi Dashnor Toska i ka rezistuar shoqërimit drejt komisariatit të Kuçovës, ku është marrë në pyetje. Ndaj shtetasit Dashnor Toska ka nisur ne dt.3 gusht 2026 procedimi penal për “Kanosje” ndaj të vëllait.
Comments are closed.