Skandali i videove intime të kompozitorit të njohur Adrian Hila vazhdon të thellohet, duke marrë përmasa të reja dhe duke u kthyer në kryefjalën e mediave rozë dhe rrjeteve sociale. Pas ditësh të tëra spekulimesh mbi mënyrën se si këto materiale private përfunduan në internet, një deklaratë e fundit ka trazuar sërish ujërat, duke i dhënë ngjarjes një dimension krejtësisht të ri.
E ftuar në një panel diskutimi në studion e televizionit T7, Anamorena Nixha ka hedhur një hipotezë të fortë. Gjatë analizës së situatës, ajo pretendoi se personi që qëndron pas këtij publikimi masiv nuk është një haker i panjohur, por një person shumë i afërt me kompozitorin.
“Prej informatave të mia, thuhet që videot i ka shpërndarë partnerja e Adi Hilës, pra gruaja. Fatkeqësisht, si një akt hakmarrjeje”, theksoi Nixha para kamerave, duke shkaktuar reagime të menjëhershme.
Kjo deklaratë bombastike e ka zhvendosur fokusin e debatit publik drejtpërdrejt tek bashkëshortja e kompozitorit, Klaudia Hila. Duke e cilësuar shpërndarjen e pamjeve si një akt të mirëfilltë “hakmarrjeje”, Nixha lë të kuptohet se publikimi i tyre ka qenë tërësisht i qëllimshëm dhe vjen nga brenda mureve të shtëpisë, ndoshta si pasojë e konflikteve në çift.
Nga ana tjetër, ky pretendim bie në kundërshtim të plotë me versionin zyrtar të dhënë nga vetë kompozitori. Kujtojmë se pas shpërthimit të skandalit, Adrian Hila iu drejtua autoriteteve policore duke ngritur si pistë kryesore sulmin kibernetik. Sipas raportimeve të mëparshme, ai dyshon se sistemi i kamerave të sigurisë në banesën e tij private është hakuar, nga ku dhe janë vjedhur materialet për t’u shpërndarë më pas në platforma të ndryshme online, përfshirë aplikacionin Telegram.
Tashmë, me dy versione krejtësisht të kundërta — atë të një sulmi keqdashës kibernetik dhe atë të një skandali të brendshëm familjar — rasti mbetet i mbuluar me mister. Fjala e fundit i mbetet ekspertëve të krimit kibernetik dhe organeve hetimore, të cilët po punojnë për të gjurmuar pajisjet nga ku rrodhi fillimisht materiali, për të zbardhur një herë e mirë këtë ngjarje që ka shokuar opinionin publik.
Comments are closed.