Studentët pritet të bojkotojnë mësimin ditën e nesërme, më 14 tetor, pas protestës së zhvilluar sot para Ministrisë së Arsimit. Lajmi është bërë i ditur nga faqja “Portali Studentor”, e cila ndjek dhe promovon vazhdimisht kauzat dhe shqetësimet e studentëve, duke përcjellë kërkesat e tyre dhe zhvillimet që lidhen me jetën universitare.
Përmes një postimi në rrjetet sociale, kjo faqe ka njoftuar se studentët kanë paralajmëruar bojkotin e mësimit për ditën e nesërme, si një tjetër formë reagimi pas protestës së sotme. Gjatë tubimit para Ministrisë së Arsimit, ata kërkuan vëmendjen e institucioneve përgjegjëse dhe një reagim ndaj shqetësimeve të ngritura prej tyre.
Sipas njoftimit të “Portalit Studentor”, bojkoti pritet të vijojë edhe nesër, ndërsa ende nuk ka detaje të mëtejshme mbi mënyrën se si do të organizohet kjo thirrje dhe sa studentë do t’i bashkohen asaj.
“Studentët paralajmërojnë bojkot të mësimit ditën e nesërme, 14 tetor. Thirrja për bojkot është bërë gjatë protestës së sotme para Ministrisë së Arsimit, ku studentët protestuan dhe kërkuan reagim nga institucionet përgjegjëse”, thuhet në postimin e faqes.
Comments are closed.