Në një kohë kur protestat masive të studentëve në Tiranë kanë nxitur reagime të shumta nga personazhet publikë, edhe moderatori i njohur Ledion Liço ka tërhequr vëmendjen me një publikim në Instagram.
Moderatori i Big Brother VIP Albania ka shpërndarë një sekuencë të shkurtër nga filmi i njohur “Shutter Island”, ku protagonist është aktori hollivudian Leonardo DiCaprio.
Në videon e publikuar dëgjohet një nga dialogët më të njohur të filmit, i cili ngre një pyetje mbi natyrën e së keqes dhe moralin njerëzor.
“E di çfarë? Ky vend më bën të mendohem…Çfarë do të ishte më keq: Të jetosh si përbindësh apo të vdesësh si njeri i mirë?”, është mesazhi që shfaqet në sekuencën e shpërndarë nga Liço.
Publikimi vjen pikërisht në një moment kur situata politike në Shqipëri është tensionuar, ndërsa protestat e studentëve dhe përplasjet me policinë vazhdojnë të jenë në qendër të vëmendjes publike.
Përzgjedhja e kësaj skene, me një mesazh të fortë moral, mund të interpretohet si një qëndrim i tërthortë ndaj zhvillimeve të fundit në vend.
Madje, duke pasur parasysh kritikat e shumta që po i drejtohen kryeministrit Edi Rama, postimi mund të ngrejë pikëpyetje nëse moderatori ka synuar të përcjellë një mesazh edhe për drejtuesit e vendit.
Moderatori nuk e ka shoqëruar sekuencën me ndonjë shpjegim tjetër, duke e lënë të hapur interpretimin e mesazhit.
Comments are closed.