Një tërmet me magnitudë 4.5 ka goditur Shqipërinë ditën e sotme në orët e para të mëngjesit, më konkretisht rreth orës 05:00.
Lidhur me këtë, sizmiologu Edmond Dushi shpjegoi në emisionin “People” për të dhënat e këtij tërmeti, pasgoditjet e tij si dhe nëse priten të tjera goditje në vijim.
“Kemi goditjen kryesore të mëngjesit rreth orës 04:07 minuta me magnitudë 4.5 të shkallës Rihter, dhe kemi një seri pasgoditjesh që bëhen rreth 35 të tilla. Pavarësisht se ka rezultuar që thellësia të jetë e ulët, pas vlerësimit të të dhënave ka rezultuar se thellësia është në nivele rreth 19.5 km, një karakteristikë kjo e të gjitha këtyre termeteve.
Bëhet fjalë për një zonë sizmike të caktuar në brendësi të tokës dhe duke qenë se të gjitha këto pasgoditje shtrihen në të njëjtën thellësi, tregon që është një zonë e mirë përcaktuar, që është aktive dhe vazhdon të gjenerojë.
Jemi duke vrojtuar ende dhe nuk mendoj se përbën një shqetësim serioz. Kohëzgjatja e këtij tërmeti nuk ishte i gjatë. Tërmetet të nivelit 4.5 për territorin e Shqipërisë, janë tërmete të cilat kanë probabilitet të lartë të ndodhin, pasi këto mund të ndodhin çdo vit”, tha sizmologu Dushi.
