Sot është një ditë e veçantë për këngëtarin dhe një nga figurat më të dashura për publikun shqiptar, Luiz Ejlli. Artisti nga Shkodra feston ditëlindjen e tij të 40-të, një përvjetor me peshë që ai po e jeton ndryshe nga çdo vit tjetër – me zemrën e mbushur dhe familjen pranë.
Në këtë ditë të shënuar, Luizi ka ndarë me ndjekësit e tij në rrjetet sociale një moment të thjeshtë, por tepër domethënës: një foto përkrah bashkëshortes së tij, Kiara Tito, dhe vajzës së tyre të vogël, Luna Mari. Treshja e dashur për publikun duket e qetë dhe e lumtur, në një ambient familjar, që simbolizon pikërisht atë që Luizi ka ndërtuar me shumë dashuri dhe përkushtim.
“Mu deshën plot 40 vite që të kisha gjithçka që kam ëndërruar”, shkruan ai në mbishkrimin e fotos – një dedikim i thjeshtë, por rrëqethës, që emocionoi qindra mijëra ndjekës dhe miq të artistit, të cilët janë bërë dëshmitarë të transformimit të jetës së tij në vitet e fundit.
Një kapitull i ri, një jetë e re
Përveç emocioneve të përvjetorit, kjo ditëlindje e gjen Luizin në një etapë të re të jetës së tij personale. Familja e vogël e Luizit dhe Kiarës është vendosur tashmë në shtëpinë e tyre të re, një ambient që simbolizon qetësinë, rritjen dhe fillimet e reja larg zhurmës së spektaklit që i bëri bashkë.
Prej daljes së tij nga Big Brother VIP Albania, Luizi ka mbetur në qendër të vëmendjes publike – jo vetëm si artist, por si fenomen social dhe figurë e transformuar. Nga këngëtari i njohur, në showman, nga protagonisti më i komentuar në media, në burrë familjar dhe baba i përkushtuar – rrugëtimi i tij është bërë frymëzim për shumë shqiptarë brenda dhe jashtë vendit.
Urime dhe dashuri nga fansat dhe kolegët
Me dhjetëra mesazhe urimi kanë përmbytur rrjetet sociale menjëherë pas postimit të tij. Fansat e tij të zjarrtë, të cilët e kanë ndjekur dhe mbështetur gjatë gjithë rrugëtimit në BBV dhe më pas, kanë ndarë urime, montazhe, kujtime dhe fjalë të ndjera në nder të 40-vjetorit të tij.
Kolege nga bota e muzikës, figurat publike, miq dhe bashkëpunëtorë, kanë shprehur urime dhe kanë përgëzuar Luizit për gjithçka që ka ndërtuar – jo vetëm në karrierë, por sidomos në jetën personale, aty ku duket se ka gjetur paqen që kërkonte prej kohësh.
Urime Luizi – për 40 vitet e para të jetës dhe për familjen që tani është e gjitha arsye për të buzëqeshur!
