Pas përfundimit të ndeshjes mes Dinamo City dhe ekipit polak Jagiellonia, e zhvilluar mbrëmjen e së enjtes tek “Arena Kombëtare”, situata në kryeqytet ka degjeneruar në përplasje dhe akte dhune.
Fillimisht, në afërsi të stadiumit, një nga huliganët polakë u dhunua nga një grup tifozësh shqiptarë. Personi në fjalë u identifikua si njëri nga tifozët që disa orë më parë ishte filmuar duke përdhosur bustin e Heroit Kombëtar, Gjergj Kastrioti Skënderbeu, në sheshin qendror të Tiranës. Pamjet e veprimit të turpshëm shkaktuan zemërim të madh në rrjetet sociale dhe reagime të ashpra nga qytetarët.
Ndërkohë, pamje të tjera kanë mbërritur në redaksinë tonë ku shihet autobusi i tifozëve të Jagiellonias teksa sulmohet nga një grup tifozësh shqiptarë në afërsi të Rinasit. Nga videoja dëgjohen thirrje të shumta dhe tension i madh mes palëve, ndërsa situata është përshkallëzuar dukshëm, ku është nevojitur edhe prania e forcave të shumta të rendit.
Kujtojmë se më herët JOQ Albania publikoi pamjet ku huliganët polakë kryenin gjeste të pahijshme poshtë bustit të Skënderbeut dhe valëvitnin një flamur me mbishkrimin provokues “Kosova është Serbi”. Po ashtu, u raportua se kjo tifozeri është e njohur prej kohësh për kore raciste dhe këngë të tipit “Vritini Shqiptarët”, ndërsa përshkruhen si grupe radikale pro-serbe.
Ndeshja e vlefshme për Play-Off e Ligës së Konferencave përfundoi me rezultatin 1-1. Pavarësisht barazimit, skuadra shqiptare u eliminua për shkak të humbjes 3-0 në ndeshjen e parë në Poloni.
Momente tensioni janë shënuar mbrëmjen e sotme në sheshin “Nënë Tereza” në Tiranë, shumë pranë stadiumit “Air Albania” menjëherë pas përfundimit të ndeshjes mes ekipit Jagiellonia të Polonisë, të cilët mbrëmjen e sotme u përballën ndaj Dinamos.
Një grup tifozësh shqiptarë u afruan pranë autobusit të ekipit polak dhe nisën sharjet në drejtim të tyre.
Në pamjet e siguruara nga “Ora News”, në drejtim të tifozëve të revoltuar shkojnë me vrap një numër i madh efektivësh të policisë.
Duket reagimi vjen pas raportimeve gjatë ditës së sotme të lajmit të turpshëm ku tifozët polakë u filmuan duke përdhosur monumentin e heroit tonë kombëtar “Skënderbeut” dhe me thirrjet pro serbe “Vritini shqiptarët”.
Pak minuta më parë JOQ Albania raporti për një grup turistësh të cilët përdhosnin bustin e Heroit tonë Kombëtar Gjergj Kastrioti Skënderbeu, duke kryer veprime të papërshtatshme poshtë tij.
Të shumta kanë qenë ragimet e qytetarëve pas publikimit të këtij lajmi. Mësohet se personat e shfaqur në video nuk janë turistë, por tifozë të ekipit Jagiellonia të Polonisë, të cilët mbrëmjen e sotme do të përballen në një ndeshje kundër Dinamos, që do të zhvillohet në stadiumin kryesor të Tiranës “Air Albania”.
Sipas qytetarëve, tifozeria e këtij ekipi herë pas here ka shkaktuar probleme nëpër stadiume, dhe ata përshkruhen si ‘Pro-Serbë’ dhe ‘Anti-Shqiptarë’. Pak pas asaj që u duk në video, raportohet se tifozët kanë shfaqur në sheshin qendror të Tiranë dhe flamurin me mbishkrimin “Kosova është Serbi”.
Një qytetar shkruan se tifozët e Jagiellonias, në shumë ndeshje këndojnë në kor “Vritini Shqiptarët”.
“O JOQ, këta janë tifozë të Jagellionas që këndojnë “Vritini Shqiptarët” në çdo ndeshje dhe hapën flamurin “Kosova është Serbi” para pesë minutash. Ata janë me fanella verdh e kuq. Këto kanë grupe huliganësh. Në Novi Pazar ku ka popullsi shqiptare hapën poste të flamurit tonë me kokën poshtë. Kanë edhe video me këngë nacionaliste serbe që thonë “Pritini, Vritini Shqiptarët, hidhini nga ura.”
Ndërsa një tjetër shton se tifozeria e këtij ekipi është “radikale pro serbe”, dhe u bën thirrje qytetarëve të Tiranës që të tregojnë kujdes nëse i shohin në rrugë.
“Përshëndetje JOQ. Ata që bënin ato xheste te statuja Skënderbeut janë tifozë polak të Jagellonias që kanë ardhur sot në Tiranë se kanë ndeshje me Dinamon. Janë tifozë radikalë pro serb. Kudo që i shikojmë këndojnë kore anti-shqiptare. Bëni kujdes rrugëve.”
Mbetet për t’u parë nëse policia do të mund të identifikojë dhe ndëshkojë tifozët që përdhosën bustin e heroit tonë kombëtar.
